Author: Media Point

Наградени највредните ученици, наши членови, за време на зимскиот распуст! Традиционално, ЈЛБ„Илинден“- Делчево со големо задоволство ги награди трите ученици, наши вредни членови, кои за време на зимскиот распуст изнајмија најмногу лектири. Нивниот интерес за книгата, љубовта кон читањето и посветеноста се најубав доказ дека вистинските вредности се негуваат уште од најмала возраст. Наградени се: – Леонид Јосифовски – Теодора Митевска – Елеонора Георгиевска Им честитаме на наградените ученици и ги охрабруваме и останатите млади читатели да продолжат да го откриваат светот низ страниците на книгите. ЈЛБ„Илинден“ – Делчево секогаш ќе биде место каде што љубовта кон читањето се наградува.

Општина Кочани спроведува градежни интервенции на повеќе раскопани и тешко проодни делови од сообраќајници и тротоари во градот, со цел да се подобрат условите за движење и безбедноста и на граѓаните. Бетонирани се оштетени делови на улиците „Иван Иванов-Балашо“, „Крум Вранински“, „Мородвиска епископија“ и „Вера Которка“, каде што поради претходни интервенции и временски влијанија беше отежнато нормалното одвивање на сообраќајот и пешачкото движење. Општинските служби најавуваат дека ваквите активности ќе продолжат и во наредниот период, согласно утврдената динамика и приоритетите на терен. Паралелно со поправките на улиците и тротоарите, ќе се работи и на прочистување на решетките за атмосферска канализација,…

Денеска православните христијани го слават споменот на преподобен Антониј Велики. Тој е роден околу 250 година во некое село Кома близу Хераклеја. По смртта на неговите благородни и богати родители си го подели наследството со својата малолетна сестра, ја згрижи кај некои роднини, својот дел им го раздаде на сиромасите, а самиот во дваесеттата година од животот се посвети на подвижнички живот, како што тежнееше од детството. Најпрво се подвизуваше во близина на своето село, но за да го избегне онеспокојувањето од луѓето, се оддалечи во пустина, на брегот на Црвеното Море, каде што како затворник помина дваесет години не…

Македонските превозници вечер во 20 часот ќе се повлечат од блокадите на товарниот дел од граничните премини, одлучи попладнево на состанок Aсоцијацијата Макам-транс“, откако Европска комисија донесе одлука за носење нова стратегија за визи, која ќе значи решавање на проблемот со кој се соочија професионалните возачи за престојот во траење од 90 во 180 дена во шенген-зоната. Со тоа, по речиси четиридневен застој ќе се нормализира товарниот сообраќај на премините „Деве Баир“, „Делчево“, „Ново Село“, „Дојран“, „Богородица“, „Меџитлија“, „Ќафасан“, „Блаце“, „Блато“ и „Стење“ за влез и излез од државата. „Макам-транс“ во објава на „Фејсбук“ наведе дека се повлекуваат од блокадите,…

Амбасадорот на Република Полска во Република Северна Македонија, Мариуш Бримора, денеска ја посети Општина Кочани, при што оствари официјална средба со градоначалникот Владко Грозданов. На средбата беа разменети мислења за актуелните состојби и развојните потенцијали на Кочани, како и можностите за унапредување на соработката меѓу Општина Кочани и институции, организации и компании од Република Полска. Посебен акцент беше ставен на локалниот економски развој, инвестициите, образованието и искористувањето на европските фондови. Градоначалникот Грозданов го информираше амбасадорот Бримора за тековните проекти и приоритетите на локалната самоуправа, изразувајќи подготвеност за продлабочување на соработката и воспоставување конкретни партнерства од заемен интерес. Амбасадорот Бримора ја…

Новинарски текстови во дневни весници пишувани пред еден век зборуваа за нашето Царево Село, јасно сликајќи конкретни настани и личности кои дале свој белег во тоа време. Десетина статии беа денеска собрани во една убава изложба посветена на историјата и културното минато на нашето Царево Село претставувано преку архивски текстови и пишани извори во периодот 1924-1937 година. Изложбата е во организација на ЈЛБ „Илинден“ и во оваа прилика им честитам за убавата иницијатива и за трудот да се соберат и да се промовираат овие новинарски статии пожолтено од времето, но богати по содржина и значење. Тоа е историја, доказ за…

Во Домот на Армијата во Скопје денеска се одржа редовното годишно реферирање за борбената готовност на Армијата за 2025 година пред претседателката и врховен командант на Вооружените сили, Гордана Сиљановска-Давкова. На настанот присуствуваа и министерот за одбрана Владо Мисајловски, како и генерали од Армијата. Реферирањето го одржа началникот на Генералштабот, генерал-мајор Сашко Лафчиски, кој ги презентираше реализираните задачи и постигнатите резултати во областа на персоналот, обуката и вежбите, опремата и инфраструктурата, военото планирање, модернизацијата и буџетот. Тој истакна дека Армијата е целосно подготвена да ја извршува својата уставна улога во одбраната на државата, како и да ги исполнува националните и…

Управата за финансиска полиција до Основното јавно обвинителство Скопје поднесе кривична пријава против М.Б. во својство на Претседател на Регулаторна комисија за енергетика, водни услуги и услуги за управување со комунален отпад на Република Северна Македонија поради постоење на основи на сомнение за сторено кривично дело “Злоупотреба на службена положба и овластување” од чл.353 ст.4 в.в ст.1 од Кривичниот Законик на Република Северна Македонија. Пријавениот М.Б. во својство на Претседател на Регулаторната комисија за енергетика, водни услуги и услуги за управување со комунален отпад на Република Северна Македонија, ја злоупотребил својата службена положба и овластување, на начин што, спротивно на…

Торжествено прославен празникот на преподобниот Гаврил Лесновски во Лесновскиот манастир На 28 јануари 2026 лето Господово, кога Светата Православна Црква прави спомен на преп. Гаврил Лесновски, преп. Прохор Пчински; Неговото Високопреосвештенство Митрополитот Брегалнички господин Иларион во сослужение на Високопреосвештениот Митрополит Врањски г. Пахомиј, кој чиноначалствуваше на Светата Литургија, Високопреосвештениот Митрополит Кумановско – осоговски г. Григориј и свештенослужители од СПЦ и МПЦ-ОА, отслужија Света Архиерејска Литургија во Лесновската света обител. На Божествената Литургија присуствуваа директорот на Агенцијата за иселеништво на Р. Македонија г. Горан Ангелов, градоначалникот на општина Пробиштип г. Тони Тоневски и многуброен верен народ. На крајот од Литургијата пригодна…

Младинската организација Градец со донација за реновирање на домот на семејството на Ленка Младинската организација на село Градец, Виница, информира дека денеска е извршена уплата на фактура во износ од 7.700 денари за набавка на градежен материјал неопходен за реновирање, меѓу кој цемент, F6 мрежа и два кубни метри песок. Со оваа донација е обезбеден конкретен придонес за подобрување на условите за живеење на семејството на Ленка од Градец. Од Младинската организација истакнуваат дека солидарноста и заедништвото остануваат нивна водилка и дека ќе продолжат со активности насочени кон помош на оние на кои им е најпотребна.