Author: Media Point

Во попладневните часови на 12 февруари 2016 година, во Домот на културата во Македонска Каменица, со благослов на Епископот Делчевско-каменички г. Марко, во рамките на прославата на празникот на светите Три Јерарси, се одржа промоција на филмот „Железна тврдина“ на режисерот Митко Панов. По завршувањето на проекцијата, за филмот говореше Неговото Преосвештенство Епископот Дремвитски г. Давид. На крајот следеше богата и плодотворна дискусија помеѓу присутните гледачи, од една, и режисерот Митко Панов и епископите Марко и Давид, од друга страна.

ЖФК Каменица САСА ќе одигра пријателски натпревар против ЖФК Вардар Натпреварот ќе се одигра на 15 февруари 2026 година, во недела, со почеток во 13:00 часот, на Градскиот стадион во Македонска Каменица. Се покануваат љубителите на фудбалот да присуствуваат и да ги поддржат фудбалерките во овој контролен меч.

ТППЕ Берово доби специјално противпожарно возило од Словенија Територијалната противпожарна единица (ТППЕ) Берово денеска официјално го прими новото специјално противпожарно возило, донирано од Доброволното противпожарно друштво Битње од Република Словенија. Станува збор за значајна донација која ќе придонесе за унапредување на системот за противпожарна заштита и зголемување на оперативната подготвеност на единицата во Општина Берово. На примопредавањето, градоначалникот на Берово, Петар Ружински, упати благодарност до сите кои придонеле за реализација на донацијата. – Посебна благодарност упатувам до пратеничката и наша сограѓанка, госпоѓа Сандра Газинковска, која со својата лична заложба имаше клучна улога во реализацијата на оваа донација и во поврзувањето…

Архиерејска Литургија во Делчево по повод празникот на Светите Три Јерарси На 12 јуни, на празникот посветен на Светите Три Јерарси, во храмот „Св. Наум Охридски“ во Делчево беше отслужена Света Архиерејска Литургија. Со Литургијата началствуваше Неговото Преосвештенство викарниот Епископ дремвитски г. Давид, на покана и во сослужение со надлежниот архиереј, Неговото Преосвештенство Епископот делчевско-каменички г. Марко. Во богослужбата учествуваа и повеќе свештенослужители од епархијата. По прочитаното евангелско зачало, беседа одржа Епископот г. Давид, обраќајќи се кон присутните верници со духовна поука во чест на големите учители и светители на Црквата. На крајот од Литургијата, со пригодни зборови на благодарност…

Екипата на Каменица Саса го засили својот состав со ангажманот на 22-годишниот фудбалер Алмир Цаколи, кој кариерата ќе ја продолжи во дресот на клубот од Македонска Каменица. Цаколи своите први фудбалски чекори ги направил во ФК Шкупи, а во досегашната кариера настапувал и за Арсими од Чегране, како и за Шкендија Арачиново, каде стекнал значајно искуство на домашната сцена. Трансферот на младиот фудбалер беше реализиран со посредство на неговиот менаџер Ирфан Кајоли, а во Каменица Саса очекуваат тој да биде значајно засилување во продолжението од сезоната и да придонесе во исполнувањето на клупските амбиции.

Делчево доби современ систем за далечински мониторинг на пациенти од руралните и оддалечените подрачја Делчево воведува современ систем за далечински мониторинг и дијагностика на пациенти, со што прави значаен исчекор во унапредувањето на примарната здравствена заштита, особено за жителите од руралните и оддалечените подрачја. Градоначалникот денеска ја посети ЈЗУ Здравствен дом – Делчево, каде заедно со директорката Билјана Ѓеорѓиевска, докторите Софија Станоева Стојановска и Тони Георгиевски, како и со медицинскиот персонал од Итната медицинска помош, се запозна со новата опрема која овозможува следење на здравствената состојба на пациентите од далечина. Станува збор за најсовремен систем преку кој во реално време…

Кривична пријава против осум лица од Виница и виничко за повеќе сторени кривични дела во врска со бесправна сеча и транспорт на огревно дрво Надворешната канцеларија за криминалистички работи Виница поднесе кривична пријава против Г.И.(49) од с.Калиманци, виничко и А.А.(31) од Виница поради постоење основи на сомнение за сторено „продолжено кривично дело“ во врска со кривично дело „кражба“, против Ј.П.(59) од Виница, управител на правно лице од Виница, за „несовесно работење во службата“, против С.Ѓ.(64) од с.Лески, виничко, вработен во ЈП „Национални шуми“ – Подрачно шумско стопанство „Плачковица“ во Виница, за „продолжено кривично дело“ во врска со „злоупотреба на службената…

Започна реконструкцијата на главната улица во село Градец – инвестиција од над 6,8 милиони денари По барање на жителите на село Градец, започна реализацијата на нов инфраструктурен проект – реконструкција на главната улица во селото. Проектот опфаќа целосна реконструкција на улица во должина од 530 метри, како и крак од истата во должина од 220 метри. Патната делница беше во исклучително лоша состојба, со бројни ударни дупки и пукнатини, а на одредени места беа евидентирани и видливи деформации и слегнувања на коловозот. Според информациите од Општина Виница, улицата не била реконструирана најмалку две децении. Вкупната вредност на инвестицијата изнесува 6.864.432…

Виничкото здружение „Умиление“ помага на околу 80 семејства – во тек е реновирање на две куќи на сограѓани во социјален ризик Хуманитарното здружение „Умиление“ од Виница континуирано спроведува активности за поддршка на ранливи категории граѓани, опфаќајќи околу 80 семејства од општината. Здружението на месечно ниво обезбедува прехранбени и хигиенски пакети за семејства во социјален ризик. Покрај тоа, активно помага при опремување на домови, набавка на огревно дрво, обезбедување лекови, како и при плаќање и закажување болнички третмани и други неопходни услуги. Во моментов, „Умиление“ реализира две поголеми хуманитарни акции – реновирање на две куќи кои се наоѓаат во исклучително…

Во официјална посета на Општина Кочани престојуваше амбасадорката на Република Хрватска, Нивес Тигањ, придружувана од советничката Ана Вучиќ. Тие остварија средба со градоначалникот на Кочани, Владко Грозданов. На средбата се разговараше за актуелните состојби во општината, со посебен осврт на настаните по пожарот во дискотеката „Пулс“. Беа разгледани можностите за поддршка и соработка во надминување на последиците од трагедијата. Во рамки на посетата, амбасадорката ја посети и Територијалната противпожарна единица во Кочани, каде што се запозна со капацитетите и подготвеноста на службата. Предвидена е и средба со децата кои беа повредени во пожарот, како израз на поддршка и солидарност.