Author: Media Point

На 09.02.2026 во 21:30 часот во Полициското одделение Македонска Каменица e пријавено дека околу 20:30 часот, при извршување работни задачи во рудник во Македонска Каменица,  со тешки телесни повреди се здобил Б.А.(26) од село Моштица, општина Македонска Каменица, констатирани во Клиничка болница Штип. За настанот е известен јавен обвинител, а увид извршиле увидна екипа од ОВР Делчево и рударски инспектор. Извор: Дневен Билтен на МВР

Градоначалникот на Општина Кочани, Владко Грозданов и полковник Јиржи Фојтик, директор на средното и вишото стручно училиште за противпожарна заштита во Чешка, денеска го потпишаа договорот за донација на противпожарно возило на Територијалната противпожарна единица – Кочани. Чешката делегација беше предводена од амбасадорот Јерослав Лудва, а на потпишувањето на договорот присуствуваше и министерот за внатрешни работи Панче Тошковски. Договорот за донација на противпожарно возило е во вредност од 7,94 милиони денари и претставува хуманитарна помош од Чешка за зајакнување на капацитетите за справување со вонредни состојби.

Известување за Задушници – Распоред за присуство на свештениците во Каменичка парохија Свештенството при Каменичка парохија ги информира верниците дека во петок и сабота, 13 и 14 февруари, Православната Црква ги одбележува Задушниците – денови посветени на молитвен спомен за упокоените предци, сродници и ближни. Во овие денови, со молитва и надеж во воскресението, се принесуваат молитви за прошка на гревовите и за нивно упокојување во Царството Небесно. Распоред на молитвите: Петок – 13 февруари 13:30 часот – Св. Илија, Македонска Каменица 14:30 часот – Нови гробишта, Македонска Каменица 15:30 часот – с. Тодоровци Сабота – 14 февруари 06:00 часот…

Денеска во кабинетот на градоначалникот Гоцевски беше одржана работна средба со директорот на Источно-планскиот регион, Трајче Здравков, на која се разговараше за продлабочување и унапредување на меѓусебната соработка помеѓу Општина Делчево и Источно-планскиот регион. На средбата посебен акцент беше ставен на можностите за искористување средства од новите развојни фондови и програми, како и на потенцијалите за заедничко аплицирање и реализација на конкретни проекти. Целта е спроведување иницијативи кои ќе придонесат за економски развој, подобрување на инфраструктурата и унапредување на квалитетот на живот на граѓаните на Делчево. Двете страни ја истакнаа заедничката заложба за интензивирање на соработката и навремено аплицирање на…

ЈП „Камена Река“ спроведе организирано чистење од градската депонија до влезот на Македонска Каменица ЈП „Камена Река“ реализираше организирано чистење на потегот од градската депонија до влезот на Македонска Каменица, со цел унапредување на хигиената и заштита на животната средина. Од претпријатието апелираат до граѓаните отпадот да се одлага исклучиво на означени и соодветни места, со што заеднички ќе се придонесе за почиста и уредна Македонска Каменица. Претходно, претпријатието спроведе неколку слични акции за уредување и на други јавни површини во Македонска Каменица. Грижата за животната средина е заедничка обврска.

Градоначалникот на Општина Делчево упатува покана до бизнис заедницата и претставниците на компаниите од општината за учество на работна средба, со цел унапредување на соработката и зајакнување на односите помеѓу бизнис секторот и Општина Делчево. Бидејќи општината е мост меѓу компаниите и централната власт, потребна ни е интензивна меѓусебна соработка да создадеме поволна деловна средина со можност за директна комуникација, вмрежување и подобро информирање за можностите за соработка. За таа цел, на 16.02.2026 год. со почеток во 12 часот, во салата во Општина Делчево, Ве покануваме да дојдете и да земете учество на оваа работна средба и заедно да споделиме…

Со средства од ЕУ започна изградбата на скејт-парк во Делчево – нова содржина за младите и туристите во градот Започна изградбата на скејт-парк во Делчево – нова содржина за младите и туристите Овој работен викенд во Делчево официјално започна реализацијата на уште еден значаен инфраструктурен проект. Станува збор за изградба на современ скејт-парк, наменет за младите и за сите посетители кои сакаат активна рекреација и забава. Новиот скејт-парк претставува дополнување на туристичката понуда на Делчево и создавање ново катче за спорт, рекреација и социјализација на младите. Проектот е вреден 2.403.000 денари, а средствата се обезбедени преку Европската унија, односно ИПА-програмата…

На 6 февруари 2026 година Неговото Високопреосвештенство митрополитот Европски г. Пимен ја посети Агенцијата за иселеништво – известува Агенцијата на својот ФБ профил. На средбата со директорот Горан Ангелов, Митрополитот Пимен информираше за состојбите на верскиот и духовен живот во црковните општини низ Европа. Тој извести дека Европската  Епархија е зголемена со уште две нови црковни општини во Велика Британија: „Св. Нектариј Егински“ во Рединг – во близина на Лондон, и „Св. Ѓорѓи Кратовски“ во околината на Оксфорд, како и новоформираната црковна општина „Св. Три Јерарси“ во Фулда, Германија, каде што првата света архијерејска Литургија е најавена за недела, 15…

Празник на Преносот на чесните мошти на свети Јован Златоуст Возљубени браќа и сестри во Христа, денеска со особена духовна радост и благоговејност го празнуваме Преносот на чесните мошти на свети Јован Златоуст – еден од најголемите архијереи, учители и беседници на Христовата Црква. Свети Јован Златоуст живееше во IV–V век и со своето огнено слово, чист живот и пастирска ревност ја утврдуваше и просветлуваше Црквата. Иако беше неправедно прогонуван и го заврши земниот живот во изгнанство, неговото дело и сведоштво останаа живи. Подоцнежниот пренос на неговите чесни мошти во Цариград, извршен со покајание и длабока почит, претставува сведоштво дека…

Реконструкција на водоводната и канализационата мрежа на улицата „Ванчо Прке“ во Виница Со подобрувањето на временските услови, Општината ги започна најавените инфраструктурни проекти подготвувани во изминатиот период. Денес официјално започна реконструкцијата на водоводната и канализационата мрежа на улицата „Ванчо Прке“, важна сообраќајница која ја поврзува Виница со населбата и селото Градец. Проектот предвидува реконструкција на водоводната мрежа во должина од 558 метри, при што старите азбест-цементни цевки ќе бидат заменети со висококвалитетни полиетиленски цевки. Паралелно, ќе се изврши и реконструкција на канализационата мрежа во должина од 543 метри, која поради својата старост и неквалитетна изведба досега предизвикуваше чести дефекти и…