Author: Media Point

Комисијата за заразни болести на утринскиот состанок донесе препорака да нема промена на рестриктивните мерки, потврдуваат утрово од Министерството за здравство. Полицискиот час од полноќ до 4 часот наутро и работното време на угостителите до 23:30 остануваат на сила уште две недели. Засега нема потврда кога ќе се решава за можно олеснување на рестриктивните мерки и покрај намалениот број на новозаразени и хоспитализирани лица од коронавирусот.

Во тек се последните подготовки за новото издание на Евровизија, што ќе почне утре, на 18 мај, односно кога ќе се одржи и првото полуфинале на ова европско музичко натпреварување. Според сегашните податоци на обложувалниците, најголем фаворит за победа е Италија и нејзиниот претставник – групата „Манескин“ со песната „Ziti e buoni“. Оваа година, 39 земји учествуваат на Евросонгот. Првите три фаворити се Италија со 22 отсто, Франција со 20 и Малта со 12 отсто. До неодамна, Малта беше најголем фаворит за победа, но состојбата се смени по првата проба, кога нивниот претставник доби лоши критики за костумите и перформансите.…

Инстаграм ја воведува долгоочекуванта опција, за која може да се рече дека ќе израдува многумина и дефинитивно е сигурно дека ќе го подобри користењето на оваа мрежа од компјутери и лаптопи. Инстаграм апликацијата моментално постои и може да се користи од десктоп, но една опција во моментов не е можна – објавување фотографии и видеа преку компјутер. Отпрвин, од десктоп можевте да ги прегледувате само објавите на другите корисници, па затоа Инстаграм со текот на времето додаде да можете да прегледувате Инстаграм приказни, да коментирате и на крај и да испраќате пораки. Остана уште да ја воведат можноста за објавување…

Фондот за иновации и технолошки развој (ФИТР) денеска ќе го објави новиот Предизвик за воспоставување лабаратории за производство FAB LABS „МЛАДИТЕ СОЗДАВААТ”. Предизвикот ќе биде промовиран на онлајн прес-конференција која ФИТР ќе ја пренесува во живо на својот официјален фејсбук-профил. На прес конференцијата ќе се обратат директорот на ФИТР, Коста Петров и Катерина Кречева, раководител на Секторот за програми во областа на образование, истражување, развој и иновации. мч/нд/

Времето денеска ќе биде сончево и топло, со умерена облачност. Кон крајот на денот во североисточните делови ќе има локален дожд. Ќе дува слаб до умерен југозападен, а во западните делови умерен до засилен западен ветер. Минималната температура се движи од 7 до 12, а максималната ќе достигне од 21 до 29 степени. Во Скопје ќе биде сончево со умерена облачност и со умерен југозападен ветер. Минималната температура се спушти до 10, а максималната ќе достигне 27 степени. Според УХМР, утре претпладне се очекува повремено зголемена облачност со локални врнежи од дожд. Локална облачност со локални врнежи ќе има и…

Четириесет и деветгодишниот Македонец Драги Стоименов во четвртокот починал во Германија како последица од Ковид-19. Неговото семејство преку социјалните мрежи бара помош за да може починатиот да го донесат до Македонија. Еве линк каде можете да ги донирате вашите средства: https://www.facebook.com/donate/991472624927053/?fundraiser_source=external_url

Капитенот на македонската репрезентација, Горан Пандев, повторно е тема во фудбалските кругови. Ветеранот, против Аталанта, уште еднаш потврди дека класата е вечна. Пандев, против екипата од Бергамо, одигра само во второто полувреме. Влезе на теренот при резултат 0:3 и малку недостигаше да режира неверојатен пресврт на Џенова. Пандев во 67.минута постигна гол од пенал, 101 за него во Серија А, а во 85.минута му асистираше на Шомуродов кој го постави конечниот резултат 3:4. Каков играч е Пандев покажува статистиката, забележа гол и асистенција иако имаше само 13 допири со топката.

Пет недели по приемот на првата доза на вакцина против коронавирус, можноста од нова инфекција со Ковид-19 е намалена за 80 проценти, помала е и можноста од смртни случаи која достигнува дури 95 процент, ова е наведено во студијата на научниците од италијанските национални институти за здравство. Според италијанските агенции, ова е прво вакво обемно истражување на земја-членка на Европската Унија за реалното влијание на имунизацијата врз текот на пандемијата, а податоците беа анализирани од почетокот на вакцинацијата на 27 декември минатата година до 3 мај оваа година. Податоците покажаа дека моделот е ист кај мажите и жените, без оглед…

Македонска Каменица, 15.05.2021 година – Освојувачот на Купот убедливо го совлада Вардар (97:56) и со (2-0) ја затвори полуфиналната серија Екипата на Баскет КАМ од Македонска Каменица е првиот финалист на овогодинешниот Плеј-оф во женска конкуренција. Актуелниот освојувач на Купот, за кратко време уште еднаш бешше пресилен за екипата на Вардар. Во својата сала „Кирил и Методиј“ во Македонска Каменица, победија со повеќе од убедливи (97:56), доволно да дојдат до (2-0) во полуфиналната серија на плеј-офот, и да „влезат“ во големото финале каде ќе го нападнат и вториот трофеј во сезоната, оној шампионскиот. Кој ќе им биде противник во финалето,…

Македонска Каменица, 10.05.2021 година – Заштитна медицинска опрема и помагала за потребите на Здравствената станица, Итната Медицинска помош и здравствените работници во Македонска Каменица, денеска беше донирана од страна на градоначалничката Соња Стаменкова. „Се соочуваме со глобална здравствена криза од која никој не е поштеден. Заштитната медицинска опрема во овој момент е најпотребна на оние кои секојдневно се во првите редови и се грижат за здравјето на граѓаните. На овој начин сакаме да ги поддржиме здравствените работници и да го дадеме својот придонес во заштитата на јавното здравје“ – истакна градоначалничката Соња Стаменкова, при денешната посета на Здравствената станица во…