Author: Media Point

Земјотрес со интензитет од 2,7 степени според Рихтеровата скала е регистриран денеска во 9 часот и 53 минути со епицентар на 11 километри западно-северозападно од Берово. Потресот бил на длабочина од 10 километри под површината на земјата. Како што соопшти Сеизмолошка опсерваторија при Природно-математичкиот факултет во Скопје, телеметриската сеизмолошка мрежа земјава го регистрирала земјотресот со епицентар на 113 километри југоисточно од Скопје во Делчевско-беровското епицентрално подрачје Според досегашните податоци со кои располага Опсерваторијата, земјотресот е почувствуван од населението во Берово и околината со интензитет од III степени според Европската макросеизмичка скала. Извор: mms.mk

Македонска Каменица, 22. Јуни 2023 година – Културно уметничкото друштво ,,Вера Јоциќ” од Македонска Каменица со афирмираниот музички состав “Модерато” заминуваат на турнеја во Пиемонте, Италија. Целта на турнејата, како што информираат од КУД “Вера Јоциќ”, ќе биде промоција на македонскиот толклор и традиција помеѓу нашите иселеници и граѓаните на Пиемонте, Италија. За музичкиот дел и за презентирање на македонските песни ќе се погрижи вокалната исполнителка Елена Велевска. Настанот ќе се одржи во “Pizza Tre Secoli” во Рикалдоне, на 15. Јули 2023 година, со почеток од 19:00 часот. Влезот е слободен.

Полицијата го приведе 22-годишнот Б.А. од Кочани. При претрес во неговиот дом пронајдени се и одземени марихуана, прашкаста материја, семки од канабис и дробилка. На 20.06.2023 во 15.45 часот, полициски службеници од ОВР Кочани го лишиле од слобода Б.А.(22) од Кочани. При претрес во неговиот дом, извршен со судска наредба, биле пронајдени и одземени марихуана, прашкаста материја, семки од растението канабис и дробилка, соопштија од МВР. Б.А. е задржан во полициска станица, а по целосно документирање на случајот против него ќе биде поднесена соодветна пријава.

Македонска Каменица креира одржлив економски развој на заедницата преку примери од Словенија Градоначалникот на Македонска Каменица, заедно со претставници од Central Asia Metals, Фондацијата Рудник САСА и PrimePoint Partners, учествуваа на студиско патување во Словенија со цел размена на знаење и учење од словенечките искуства и нивна примена во проектот„Одржлив економски развој на општина Македонска Каменица“. За време на студиското патување делегацијата оствари состаноци во неколку рударски општини во Словенија, бизнис акцелератори, инкубатори, организации за развој на туризмот, како и локални и регионални агенции за развој кои работат во насока на одржлив локален туризам и економски развој. Димчо Атанасовски -…

Синодот на Македонската православна црква-Охридска архиепископија (МПЦ-ОА) денеска ги прифати во својата јурисдикција и им определи епархии и задолженија на четирите архијереји на Православната охридска архиепископија (ПОА) на митрополитот Јован Вранишковски, која на 5 јуни годинава беше припоена со МПЦ-ОА. Светиот архијерејски синод донесе одлука со која Делчевско каменичката епархија ќе ја предводи епископ г. Марко, со титула епископ делчевско каменички. Седиштето на епархијата ќе биде во манастирот “Св. Богородица Балаклија” кај Делчево. Крушевско-демирхисарската епархија ќе ја предводи митрополитот г. Јован, со титула митрополит крушевско-демирхисарски; потоа на чело на Дељадровско-илинденската епархија ќе застане епископ г. Јоаким, со титула епископ дељадровско-илинденски. Епископот г. Давид…

На 19.06.2023 во 15.35 часот во ОВР Кочани било пријавено дека околу 15.30 часот во автомеханичарска работилница во населбата Оризари, кочанско, со повреди се здобил В.С.(79) од Виница. Увид на местото извршила увидна екипа на ОВР Кочани, при што било констатирано дека околу 15.30 часот во автомеханичарската работилница, Б.Д.(62) од Кочани стартувал товарно моторно возило, сопственост на В.С., , при што го удрило В.С. Притоа, В.С. се здобил со тешка телесна повреда констатирана во болницата  во Кочани. Се работи на расчистување на случајот.

Македонска Каменица, 19. Јуни 2023 година – ООУ „Св. Кирил и Методиј“ објави дека денеска се доделени свидетелствата на матурантите во училиштето во учебната 2022/23 година. – На учениците им посакуваме да бидат горди на себе. Горди на своите дела, како што ние се гордеевме на нивните успеси. Поминавме заедно девет години во школските клупи. Заедно ги доживувавме сите ваши радости, таги, успеси и неуспеси, – истакнуваат во соопштението од училиштето Од училиштето информираат дека, Софија Ситновска е ученичката која годинава се стекна со епитетот Првенец на генерацијата во ООУ „Св. Кирил и Методиј“ Македонска Каменица. Таа со примерното поведение,…

На 18.06.2023година, во 00:05 часот на ул.„Руенска“ во Македонска Каменица, полициски службеници од Полициското одделение Македонска Каменица го привеле А.С.(24) од село Цера. Лицето е приведено поради агресивно однесување кон полициските службеници кои во моментот преземале службени дејствија. По комплетирање на случајот против А.С. ќе биде поднесен соодветен поднесок.

Како што објави македонската полиција вчера попладне околу 15.20 часот во Полициската станица Делчево било пријавено дека на локалниот пат Македонска Каменица – селото Цера, кај место викано „Ајдарска маала“, А.С.(28) од Македонска Каменица, управувајќи мотоцикл со регистарски ознаки од Македонска Каменица, изгубил контрола и со мотоциклот излетал надвор од патот, соопшти полицијата. Во тешката несреќа момчето починало на местото, а смрт констатирал лекар од Итна медицинска помош, вели полицијата. – Увид на местото на настанот извршиле Јавен обвинител и увидна екипа од Полициска станица Делчево. По наредба на Јавен обвинител, телото на починатиот било дадено на обдукција, јави МВР.…

Македонска Каменица, 19. Јуни 2023 година – Денеска, со почеток од 10:00 часот, беше одржана вонредна Седница на Советот на општина Македонска Каменица, каде советниците едногласно донесоа Одлука за прогласување на Ден на жалост во нашата Општина. Одлуката за Ден на жалост, како што инфирмираат од Советот на Општината, е донесена поради трагичниот настан во кој вчера животот го загуби наш млад сограѓанин. За Ден на жалост се прогласува утрешниот ден, 20. Јуни 2023 година, вторник.