Author: Media Point

Епископот Делчевско-каменички, Неговото Преосвештенство г. Марко, ја оствари својата прва официјална средба со новоизбраната градоначалничка на Општина Македонска Каменица, г-ѓа Соња Стаменкова. На средбата се разговараше за можностите за понатамошно унапредување на духовниот живот во рамките на Епархијата и за заедничка соработка меѓу Црквата и локалната самоуправа. Епископот Марко ги претстави тековните активности и проекти што се реализираат во Епархијата, изразувајќи надеж дека ќе продолжи поддршката од Општината за нивно успешно завршување. Градоначалничката Стаменкова ја истакна подготвеноста на Општина Македонска Каменица за континуирана соработка со Црквата, нагласувајќи дека локалната самоуправа ќе остане посветен партнер во процесот на развој и зацврстување…

На 10 ноември 2025 година, околу 16:50 часот, на патот А3, на местото викано „Превалец“ во Виница, полициски службеници од ОВР Виница го лишиле од слобода 60-годишниот Ј.Ѓ. од село Истибања, виничко. Според информациите од Министерството за внатрешни работи, лицето со патничко возило марка „Фиат“, кое го управувал, учествувало во сообраќајна незгода со друго возило „Шкода“, управувано од 56-годишниот М.Г. од Делчево. При извршената контрола, полицијата утврдила дека возачот Ј.Ѓ. го управувал возилото под дејство на алкохол. Измерени му биле 2,52 промили алкохол во крвта, поради што бил приведен и против него ќе биде поднесена соодветна пријава.

Шаховскиот клуб „Каменица Саса“ од Македонска Каменица го објави распишувањето на затвореното општинско првенство во шах за 2025 година. Првенството ќе се одржи во две категории – сениорска конкуренција мажи и жени, како и пионерска категорија, во машка и женска конкуренција до 12 и до 18 години. Натпреварите ќе се играат по Бергеров систем, со времетраење на партија од 30 минути. Пријавувањето е во тек и се врши секојдневно во просториите на клубот, како и кај претседателот Лазо Стаменковски, односно секретарот Санде Ивановски. Последен рок за пријавување е 17 ноември 2025 година, кога во 17:00 часот ќе започнат и првите…

Се продава, еднособен проширен стан, со површина од 50 m². Станот се наоѓа на 5-ти кат во станбена зграда на ул. Рударска 1-1/19 во Македонска Каменица. Станот има просторен и функционален распоред, одлична локација во близина на центарот н градот, истиот е погоден за живеење или издавање. Исто така, станот може да биде предмет на замена, доколку имате за продавање или замена стан на низок спрат. Цена по договор. За сите потребни и дополнителни информации, ве молиме контактирајте го следниов телефонски број: +39 380 594 2935 (достапен на WhatsApp и Viber)

Митко Костадиновски стапи на функцијата градоначалник на Општина Виница. Денес тој ја презема функцијата од досегашниот градоначалник Миле Петков. Костадиновски најави дека ќе биде градоначалник на сите и вети силно темпо на работа.

Нашата млада сограѓанка Ана Ѓорѓиевска од Македонска Каменица е прогласена за национален победник на регионалната фото-изложба „Are We There Yet: What Are the Road Signs to the EU?“, која беше отворена во уметничкиот центар „Мала Станица“ во Скопје. Со тоа, Ана ќе ја претставува Македонија на престижната World Press Photo Winners’ Week 2026 во Амстердам. Изложбата, реализирана под покровителство на Амбасадата на Кралството Холандија, обединува 30 млади фотографи од целиот Западен Балкан, кои преку своите фотографии ја прикажуваат визијата и односот на младите кон Европа денес. Под менторство на наградуваната фотографка Илви Њиокиктиен, учесниците создадоа искрени и автентични визуелни приказни,…

Со новиот концепт за поврзување на културата и туризмот даваме нова енергија за одржлив развој на овие две јавни дејности во општина Делчево. НУЦК “Никола Јонков Вапцаров” Делчево веќе работи на нова структурирана годишна програма за поддршка и развој на културата и туризмот во Делчево за 2026 година. Горди сме што можеме да ја најавиме интензивната соработка на нашата институција со Градоначалникот на општина Делчево Иван Гоцевски во интерес на подигање на нивото на културните вредности во јавниот живот во Делчево. Како и до сега НУЦК “Никола Јонков Вапцаров” Делчево ќе биде носител на најголемиот фонд на настани,…

По повод 18 Октомври – Европскиот ден за борба против трговијата со луѓе, Општинската организација на Црвен крст Делчево, во соработка со Регионалниот центар за ГР – Исток, организираше три едукативни работилници на тема „Превенција од трговија со луѓе“. Работилниците беа наменети за волонтерите од Клубот на млади при ООЦК Делчево, учениците од прва година при СОУ „Миле Јаневски – Џингар“ Делчево и учениците од деветто одделение во ООУ „Св. Кирил и Методиј“ – Македонска Каменица. Предавањата ги спроведоа инспектор Виолета Илиевска и Ненад Павловски, командир на Полициската станица за граничен надзор Македонска Каменица, заедно со обучени врснички едукатори од…

Според податоците од Управата за хидрометеоролошки работи, низ поголем дел од земјата се регистрираат повремени врнежи од дожд, а локално и поројни, особено во североисточните и источните делови на државата. Во утринските часови времето беше облачно и свежо, со температури меѓу 9 и 12 степени. Преку денот температурите ќе се искачат до 16, локално до 18 степени, но без значително разведрување. Облачноста ќе биде застапена, а кратки прекини на дождот ќе има само во централните и југоисточните подрачја. Во Куманово, Крива Паланка и делови од источниот регион е активирано жолто предупредување за дожд, поради можност од пообилни врнежи во…

Македонска Каменица, 09. Ноември 2025 – Женскиот фудбалски клуб Каменица САСА запиша нова и многу важна победа на домашен терен, совладувајќи ја екипата на ЖФК Асс Јунајтед со резултат 2:0. Стрелци на головите за нашите каменичанки беа Ана Димитровска и Гоја Тчеури, кои со погодоците ја потврдија доминацијата теренот. Натпреварот, како што истакнуваат од ЖФК Каменица САСА одигран под тешки временски услови и на тежок терен за игра. И покрај силниот отпор на противничката екипа од Струга, фудбалерките на Каменица САСА покажаа борбеност, концентрација и одлична тимска игра. Тие ја презедоа блага иницијатива во текот на натпреварот, успешно ги искористија…