Author: Media Point

Во одиграното 21. Коло од Првата женска фудбалска лига на Македонија, екипата на ЖФК Каменица САСА славеше победа со 13 голови во противничката мрежа. ЖФК Атлетико беше торпедираната екипа, која од Градскиот стадион во Македонска Каменица замина без постигнат гол. Тренерот Зоран Златковски по натпреварот за “победата против младата и талентирана екипа од Битола, им ја честиташе шампионската титула во младинска категорија (У-17), каде што оваа сезона беа убедливо најдобри и заслужено пехарот е во нивни раце! #ОдимеНапред #ОдимеДоКрај

Не пропуштајте ја балканската хит комедија “Чекајќи го министерот” со Лидија Вукичевиќ, Семир Гициќ и Сашо Ристовски. Дом на култура, Сабота 28.05.2022 година. Почеток,19 часот. Дејството на претставата, која во организација на КИЦ Романса гостува во Македонска Каменица, се случува во руинирана кафеана, за чие реновирање во очекување на доаѓање на министерот е ангажиран дизајнер. Покрај Лидија Вукичевиќ, актерка која публиката ја знае од серијата „Бољи живот” и серијалот филмови „Жикина династија“, во претставата игра и Сашо Ристовски, како и Семир Гигиќ, кој воедно е автор на текстот и режисер на претставата. Влезници за претставата по цена од 200 денари,…

Македонска Каменица, 26.05.2022 година – Општина Македонска Каменица, од официјалниот налог на градоначалникот Димчо Атанасовски, објави дека по завршувањето на натпреварувечките сезони, продолжуваат градежните активности за уредување на Градскиот стадион. Станува збор за изградба на пешачка патека кон трибинскиот дел и пристапна патека до Градскиот стадион. „По завршувањето на фудбалската сезона започнавме со уредување на пристапна патека на трибинскиот дел на Градскиот стадион во Македонска Каменица. Оваа патека ќе биде поврзана и со патеката што води до стадионот. Просторот ќе биде и соодветно хортикултурно уреден“, – стои во изјавата на градоналачникот Атанасовски Овие градежни активности се одвиваат како дел од…

Утре, со почеток од 11 часот, СОУ „Миле Јаневски Џингар“ организира Отворен ден за идни ученици. На настанот ќе бидат презентирани образовни профили на кои деветоодделенците од Македонска Каменица и регионот ќе можат да го продолжат своето образование. „Идни средношколци и почитувани родители, со гордост Ве покануваме на Отворен ден на нашето училиште, на 27 мај 2022 година (петок) со почеток од 11:00 часот“, стои во поканата објавена на социјалните мрежи на официјалниот налог на училиштето, каде додаваат дека „Настанот ќе биде од информативна природа со цел на запознавање со струките и профилите кои се изучуваат во училиштето, како и…

На 23.05.2022 во 09:45 часот во ОВР Кочани, К.Д.(55) од Кочани пријавила дека настанал пожар во банкомат на улица „Маршал Тито“. Екипа на Територијалната противпожарна единица Кочани го изгаснала пожарот. Увид бил извршен.

Надворешната канцеларија за криминалистички работи Делчево поднесе кривична пријава против С.А.(19) од Делчево поради постоење основи на сомнение за сторено кривично дело „оштетување и неовластено навлегување во компјутерски систем”. На 25.02.2022, пријавената во Делчево пронашла дебитна картичка, сопственост на М.Т., со пин, по што во два наврати подигнала 16.000 денари од банкомат и ја оштетила М.Т. за таа сума.

Има ли подобар ден за донација од оној наспроти 24 Мај, Денот на сесловенските просветители? Библиотеката „Крсте Петко Мисирков“ во Македонска Каменица се збогати за стотина книги, лична донација од Наташа Атанасова, книжевник, блогер (Блен.мк), од „Наука за деца“ – платформа во рамки на Фондацијата „Кантарот“, со поддршка од порталот Умно.мк. Инспирирана од објавена вест дека библиотеката во Македонска Каменица, град со околу 5.000 илјади жители, кубури со нови наслови, Атанасова реши да ги олесни полиците дома и да ги удоми книгите во место каде ќе им се продолжи животот. А има ли подобар ден за донација од оној наспроти…

Родени браќа родум од Солун, од угледни и богати родители, Лав и Марија. Постариот брат, Методиј, како офицер помина десет години меѓу Македонските Словени. Потоа се оддалечи на гората Олимп и се предаде на монашки подвиг. Овде подоцна му се придружи и Кирил (Константин). Кога хазарскиот цар Каган побара од царот Михаил проповедници на верата во Христос, тогаш на заповед на царот беа пронајдени овие двајца браќа и беа испратени меѓу Хазарите. Откако го уверија Каган во верата Христова, тие го крстија овој цар и голем број негови старешини и уште помногуброен народ. По извесно време се вратија во Цариград,…

Македонска Каменица, 23.05.2022 година – ООУ „Св. Кирил и Методиј“ Македонска Каменица со пригодна културно-уметничка програма и редица училишни спортски натпревари го обележа својот патронен празник. Сите денешни активности на учениците, спроведени во рамки на одбележувањето на патронот на училиштето беа во знакот на ликот и делото на македонските сесловенски просветители, браќата Кирил и Методиј. Во Домот на култура се оддржа пригодна културно уметничка програма, каде беа изведени редица на музички перформанси, драмски точки и рецитали на тематски литературни творби. Свое обраќање кон присутните ученици, колегиумот при основното училиште и присутните граѓани на Македонска Каменица имаа градоначалникот на општина Македонска…

Нова висока победа на ЖФК Каменица САСА од 6:0 против екипата на ЖФК Шкендија. И овој пат, гстинскиот терен не беше никаква пречка за убедлива победа на каменичките девојки. Одлично го одиграа натпреварот од 20. Коло од Првата женска фудбалска лига на Македонија и остануваат во игра за трета последователна шампионска титула. Кон противничката голманска мрежа немилосрдни беа Мила Талевска (1), Ана Димитровска (3), Ангелика Икеда (1) и ПејтонЧик (1). Денеска, имаме нова убедлива победа и нови три бода за нашата екипа. Прикажавме одлична и борбена игра во одбрана и ефективна реализација на напаѓачите против цврстата и борбена екипа на…