Author: Media Point

Македонска Каменица, 18.07.2022 година – Градоначалникот на општина Македонска Каменица изрази огромно задоволство од почетокот на реализација на едно големо ветување кон граѓаните, Ултрамодерниот спортски комплекс во Македонска Каменица. Проектот, како што истакнува Атанасовски, ќе биде завршен во рекорден рок и нашиот град ќе добие едно извонредно обележје на простор кој со децении стои руиниран. “Ветивме дека комплетно ќе го модернизираме градот и дека ќе изградиме патна, водоводна и канализациона инфраструктура во најголем дел од општина Македонска Каменица и забрзано чекориме кон поставените цели”, – додаде во продолжението од текстот градоначалникот Димчо Атанасовски.

На манастирско-туристичкиот комплекс “Еленец”, во село Цера, на 13. Август 2022 година, со почеток од 11 часот, ќе се одржи традиционалната манифестација Ден на дијаспора. Манифестацијата е организирана во насока на продлабочување на соработката со иселениците од Македонска Каменица и регионот кои живеат надвор од Република Македонија. Манифестацијата е во организација на КИЦ Романса Македонска Каменица, а истиот е поддржан од општина Македонска Каменица и Здружението на граѓани при манастирско туристичкиот комплекс Еленец, село Цера. Во рамки на манифестацијата, свое учество ќе има популарниотизведувач на фолк нумери, Дарко Билбиловски и локалниот музички состав Актив Бенд.

Запленетa дрога во Кочани, вредна близу половина милион евра Полицијата денеска заплени над 200 килограми марихуана во голема полициска акција во Кочани. Полициска акција се уште е во тек, а детали од МВР најавуваат за утрешниот ден, по завршување на акцијата. Според првичните проценки, вредноста на дрогата е близу половина милион евра. Извор: Либертас.Мк

На 15.07.2022 во 02.00 часот во СВР Штип било пријавено дека на ул.,,Димитар Влахов“ во Кочани, по вербална расправија, бил нарушен јавниот ред и мир со физичка пресметка помеѓу Ѓ.В.(46) од с.Косевица, општина Македонска Каменица и А.Д.(27) од Кочани. По комплетирање на случајот против учесниците ќе биде поднесен соодветен поднесок. Извор: Дневен билтен на МВР

Поради случена сообраќајна несреќа во прекин е сообраќајот, во двете насоки, на патниот правец Македонска Каменица – Делчево. Според добиените информации две лица се повредени. Во сообраќајната несреќа учествувале три возила, од кои едно од возилата е товарно возило. Увидните екипи се на терен. Повеќе информации за сообраќајката незгода и нормализирањето на сообраќајот, ќе известиме во текот на денот.

“Потпишавме Меморандум за соработка со новоформираното Доброволно противпожарно друштво “Саси” од Македонска Каменица” – изјави градоначалникот на општина Македонска Каменица, Димчо Атанасовски по завршувањето на денешната средба во неговиот кабинет. Членовите на ова друштво, како што се вели во продолжението од текстот на соопштението на градоначаникот Атанасовски, покрај помошта за ТППЕ ќе помагаат во разни акции, од еколошки карактер, па се до санирање на штети од непогоди. Очекувањата се дека ДПД “Саси”, кое постои веќе два месеци и е формирано од волонтери и ентузијасти од Македонска Каменица, ќе има повеќе од 120 доброволци кои во акциите ќе учествуваат со ресурси…

ВО ОПШТИНА МАКЕДОНСКА КАМЕНИЦА И ЈКП КАМЕНА РЕКА ЗГОЛЕМУВАЊЕ НА ПЛАТА Денеска, претседателот на ССМ и СУТКОЗ, Дарко Димовски оствари средба со градоначалникот на општина Македонска Каменица, Димчо Атанасовски и директорот на ЈП Камена Река, Влатко Димитровски на која се дискутираше за барањата на ССМ и синдикатите СУТКОЗ и УПОЗ за зголемување на платите од 2806 денари согласно усогласувањето со минималната плата. Постигната е согласност помеѓу претседателот на ССМ и СУТКОЗ, Дарко Димовски и градоначалникот на Општина Македонска Каменица, Димчо Атанасовски и директорот на ЈП Камена Река, Влатко Димитровски платите во Општина Македонска Каменица и ЈКП Камена Река да се…

„Деметра Дент“ – 15 години грижа за вашето дентално здравје Лекувањето на забите е едно од многуте видови лекувања, кои се неопходни за одржување на доброто здравје, општата благосостојба на организмот и физичкиот изглед на индивидуата. Наша мисија, во изминатите 15 години, е да ги претвориме денталните интервенции во едно пријатно доживување кое го дава најдобриот резултат Стоматолошката ординација „Деметра Дент“ Македонска Каменица располага со најсовремена стоматолошка опрема, минимално инвазивна апаратура, технологии за  дијагностика и лекување, како и последна генерација на стоматолошки материјали од реномирани производители. Високата професионална квалификација, со 6 месечна обука во Praxis Scholoss клиниката…

Македонска Каменица, 13.07.2022 година – Како што известува ЈП Камена Река “Во тек се работни активности на екипите за комунални работи за отстранување на 4 повеќегодишни дефекти на главната водоводна линија F 225, на делот после м.в. Филтер станица до Моштичка Река”. “Со санацијата на дефектите продолжуваме да работиме, во насока, на намалување на загубите со вода за пиење од градскиот водоводен систем” – додаваат од ЈП Камена Река. Покрај известувањето за работните активности, од Јавното претпријатие ги известуваат граѓаните дека, “Поради целодневните активности на екипите на Јавното претпријатие, нивото на вода во системот е намалено, при што е можен…

Вознемирувачко видео од надзорна камера е објавено денеска на социјалните мрежи, а се тврди дека на него е забележан грабежот на бензинска пумпа во Кочани, кој се случи пред еден месец. На снимката се гледа како маскираниот разбојник, со оружје во раката, влетува во бензинската и го ограбува вработениот, заминувајќи со торба полна со пари. https://www.facebook.com/as.sport.mk/videos/555031646176613/?app=fbl МВР таков случај пријави пред точно еден месец, на 12 јуни. „На 12.06.2022 во 03.32 часот било пријавено дека во Кочани едно лице со закана од вработен на бензиска пумпа одзелo пари. Се работи на расчистување на случајот“, соопшти тогаш полицијата. Izvor: slobodenpecat.mk