Author: Media Point

Црвена јабука на „Каменичко Културно Лето 2017“ Вчера, на Градскиот плоштад во Македонска Каменица се оддржа втората вечер од манифестацијата „Каменичко Културно Лето 2017“. Фантастичниот настап на „Црвена јабука“ предизвика одлична атмосфера кај каменичани и гостите кои пристигнаа од целиот регион. Пред босанскиот бенд настапи македонскиот состав Риплеј. Вечерва на програмата е една од најголемите балкански музички ѕвезди Владо Георгиев, а пред него вечерта ќе ја отвори група „Чардаш“.

Денес започнува новата фудбалска сезона 2017/18 од Втората фудбалска лига на Македонија. Екипата на ФК Каменица САСА својот прв натпревар го игра на гости против ФК Плачковица од Радовиш со почеток од 16:30 часот. ФК Каменица САСА во новата сезона влегува со оптимизам и амбиции за пласман во горниот дел од табелата во своето ново второлигашко опкружување. Иако “влечат” неколку повреди кај дел од првотимците, со неколкуте силни засилувања во своите редови и со веќе решените финансиско-материјални предуслови со Рудник САСА и општина Македонска Каменица од Стручниот штаб на тимот ветуваат успех во новата сезона. И денес на својот прв…

По повод големиот христијански празник Успение на Пресвета Богородица, заштитничка на рударите, општина Македонска Каменица и патрон на нашиот храм, ги известуваме сите православни верници дека во понеделник 28. Август во 08 часот ќе се отслужи Света божествена архиерејска литургија со која ќе чиноначалствува Неговото Правосвештенство Митрополит Брегалнички Г. Иларион со свештенството од нашата епархија. Сите кои имаат благослов од отците за причест тоа можат да го сторат утре. Додека децата до 8 гоини можат да се причестат без пост. Од свештенството при Светиот Храм Успение на Пресвета Богородица Македонска Каменица

Од први септември дел од администрацијата во земјава ќе работи во две смени, за да им се излезе во пресрет на сите граѓани, а флексибилно работно време ќе има и за државната управа. Ова вчера го соопшти министерот за администрација и информатичко општество Дамјан Манчевски. Работното време во овие институции ќе се одвива од 7 до 14:30 часот и од 14 до 21:30 часот, како и првата сабота во месецот со време на работа од 8 до 16 часот. Конкретно станува збор за Управата за јавни приходи, Царинската управа, Управата за водење на матични книги, Министерството за внатрешни работи, подрачните…

Просечниот личен доход во Македонија минатата година изнесувал 302 евра месечно, а најбогатите 1 процент имале просечен доход од околу 4.200 евра месечно. Во Македонија има висока стапка на нееднаквост меѓу граѓаните кога станува збор личниот доход што го имаат, покажува анализата за доходовна нееднаквост што денеска првпат ја објави Министерството за финансии врз основа на податоци од Управата за јавни приходи. – За половина од луѓето во Македонија што остваруваат доход, тој е под 212 евра месечно, 70 проценти имаат доход што е под 297 евра месечно, 90 проценти имаат под 495 евра месечно. Од друга страна два проценти…

Со надчовечки напори и целовечерна борба со огнената стихија пожарникарите од ТППЕ Македонска Каменица успеаа да го локализираат и стават под целосна контрола вчера избувнатиот пожар во близина на градот. Остануваат на терен до негово целосно гасење и нормализирање на состојбата. Помогнати беа од сите ТППЕ во околните градови( Делчево, Кочани, Штип, Виница), Шумска полиција, Ловно друштво од Каменица, вработени во ЈП Камена Река, одреден број на доброволци и локално месно население, како и неколку противпожарни авиони од ЦУК. Причините за пожарот се истражуваат. Истражните органи се на терен. Причинета е огромната материјална штета. Изгорени се десетици хектари борова и…

Сушата го одложи меѓународниот риболовен спортски куп на Калиманци . Поради нискиот водостој на браната, нема услови за негова организација . Од каменичкото спортско-рекреативно друштво „Шаран“ потенцираат дека лошата состојба со браната е единствената причина што купот е одложен: „…Како организатори не се откажуваме од организацијата, туку бараме начини меѓународниот куп да се одржи во релативно добри услови, а тоа во моментов го нема на езерото. Доколку хидролошката состојба се подобри, купот ќе го организираме во октомври за што благовремено ќе ги известиме сите заинтересирани рибиловни друштва од Македонија и соседните земји…“, стои во соопштението на друштвото. Меѓународниот спортски куп,…

Борбата со огнената стихија надвисната над градот пожарникарите од ТППЕ Македонска Каменица ќе ја продолжат и во текот на ноќта. Тие упатуваат уште еден јавен повик и апел до сите жители на општина Македонска Каменица, да им се приклучат во акцијата. Помош е потребна од секој! Време на тргнување: 05:00 часот наутро Зборно место за тргнување: Противпожарната станица во Каменица Со себе, доколку сте во можност земете лопати или гребла и соодветна гардероба. Екипите составени од пожарникари, вработени во шумска полиција, комунално претпријатие и голем број на веќе пријавени совесни граѓани остануваат на терен во обид да ја стават…

Заради брзината со која се шири, непристапниот терен, близината до населениот дел од градот и недоволниот човечки потенцијал со кој располага ТППЕ во Македонска Каменица, уште еднаш упатуваат апел до своите сограѓани во Македонска Каменица и жители на околните места, да се приклучат кон акцијата за гаснење на пожарот. Во контакт со одговорно лице од ТППЕ на терен добивме информација дека помош бараат од секаде, од другите територијални единици, полицијата, комунално претпријатие, но помош и од секој граѓанин е повеќе од добро дојдена. Зборно место: Противпожарна станица во Македонска Каменица или на некој од пунктовите веднаш кај местото на пожарот.

Веќе цел час гори борова шума во непосредна близина на Македонска Каменица, веднаш над Пиштолско маало. Огнот е со голем интензитет и голема брзина на ширење поради силниот ветар што дува во повеќе правци. Опасноста за негово ширење е голема. ТППЕ од Македонска Каменица помогнати од Шумската полиција и ЈП Камена Река се на терен. Се преземаат сите мерки со сите расположливи средства во моментот. Со повеќе информации наскоро.