Author: Media Point

За верниците од христијанска вероисповед Божиќ е еден од трите најголеми празници кога според христијанското верување роден е Синот божји Исус Христос. Христијанските верници кои се раководат според јулијанскиот календар Божиќ  го одбележуваат на седми Јануари а ден претходно го празнуваат Бадник. На Бадник во домашното огниште се пали бадниково дрвце, кое претставува симбол на светлината и топлината, кои треба да ги греат и зближуваат членовите на семејството. Погачата во која се става паричка се крши на онолку делови колку што има членови во семејството. Паричката од злато или сребро го симболизира дарот на новородениот Христа, а се верува дека…

Искрени честитки за првото новороденче – девојче во 2026 година во Македонска Каменица Редакцијата на Каменица.мк и сите граѓаните на Македонска Каменица, со радост ја примија убавата вест и упатуваат искрени и срдечни честитки до родителите Адријана и Антонио за раѓањето на првото новородено девојче во 2026 година. Малата принцеза пристигна како прво бебе во Новата година, носејќи радост, надеж и топлина за своето семејство и за целата заедница. Со желби нивната ќерка да расте жива и здрава, опкружена со љубов, среќа и безброј насмевки, Македонска Каменица се радува заедно со нив.

За младиот 16-годишен Стивен Ивановски, кој настрада во катастрофалниот пожар во швајцарска Кран Монтана, во Делчево од каде потекнува повикаа да му се оддаде почит во неговото родно место. Тој е еден од загинатите и идентификувани, иако швајцарските власти досега не излегоа со официјална потврда за загинат македонски државјанин. Од 40 загинати, досега се идентификувани 24 жртви, главно малолетници кои ја чекале Новата година во пеколот на „Le constellation“. Најмладата жртва е 14-годишно девојче од Швајцарија од каде се најмногу загинати, а како швајцарски државјани е заведен и 31-годишниот Србин, Стефан Ивановиќ кој бил обезбедувач на барот и според написите…

На 03.01.2026 околу 19:00 часот на влезот на Гевгелија, полициски службеници од Полициската станица за граничен премин и граничен надзор Богородица лишија од слобода 15-годишник од с.Тркање, кочанско и 16-годишник од с.Будинарци, беровско, со престој во Виница. Претходно, околу 18:40 часот била забележана група од шест мигранти кои се движат од Грција во Македонија, а откако навлегле на наша територија забележени се две возила кои се движет кон мигрантите, при што пет од нив влегуваат во возилото „фиат стило“ со делчевски регистарски ознаки. По преземени мерки возило е запрено на влезот на Гевгелија и констатирано е дека го управувал 15-годишникот,…

Одржан традиционалниот празник Сурова во селото Градево, Пиринска Македонија Традиционалниот празник Сурова и годинава се одржа во селото Градево со масовно учество и богата програма. Четврта година по ред, жителите го оживуваат овој древен обичај, кој се пренесува од генерација на генерација. Во манифестацијата учествуваа околу 120 сурваскари, кои изведоа автентични ритуали поврзани со прогонување на злите сили и упатување желби за здравје и бериќет во новата година. Домовите во селото беа отворени за сурваскарите, кои насекаде беа пречекувани со почит и гостопримство. Суроваскарската поворка ја предводеше градоначалникот на селото Градево, Николај Филимонов, заедно со градоначалникот на Општина Симитли, Апостол…

Каменичката парохија упати покана до верниците да земат молитвено учество на Воскресната Утрена и Светата Божествена Литургија, кои ќе се служат утре во храмот „Успение на Пресвета Богородица“ во Македонска Каменица, по повод претпразненството на Рождеството Христово и Неделата на Светите Отци. Воскресната Утрена ќе започне во 06:45 часот, а Светата Божествена Литургија во 08:00 часот. Од парохијата упатуваат повик до верниците духовно да се подготват за големиот празник Христово Рождество, следејќи го примерот на Светите Отци, преку молитва, пост и љубов. „Подгответе го патот Господов, порамнете ги Неговите патеки“, се вели во пораката на Каменичката парохија, која ги повикува…

Српското јавно претпријатие „Патишта на Србија“ упати апел до возачите да не тргнуваат на пат без итна потреба и да бидат особено внимателни во ноќта меѓу сабота и недела, кога се очекува нагло влошување на условите на коловозите. Според предупредување на Републичкиот хидрометеоролошки завод, во ноќта меѓу 3 и 4 јануари се најавуваат врнежи од дожд што ќе замрзнуваат на тлото, додека во северните и источните делови на Србија се прогнозира пообилен снег. Токму комбинацијата на леден дожд и снег е ризикот што најбрзо го претвора патот во клизалиште и ги прави непредвидливи и најкратките релации. Од „Патишта на Србија“…

По добиени информации од регионалните центри, како тешко проодни се евидентирани патните правци: Скопје – Тетово, Тетово – Гостивар, Маврово – Дебар, Кичево – Охрид, како и патниот правец Козјак – Скопје, како и повеќе регионални патишта во западниот дел на државата. На единствениот повикувачки број за итни случаи 112 се пријавени повеќе случаи на заглавени возила, како и едно излетување од пат. Центарот за управување со кризи ги повикува граѓаните да постапуваат одговорно и внимателно и да ги следат препораките на надлежните служби, а за навремена помош и пријава на опасности или итни ситуации да го користат единствениот број…

ЈЛБ „Илинден“ Делчево реализираше Бадникова работилница за деца Во пресрет на божиќните празници, Јавната локална библиотека „Илинден“ од Делчево реализираше Бадникова креативна работилница за деца. На настанот учествуваа девојчиња кои изработуваа бадникови венци. Изработените венци беа наменети како подароци и симбол на споделување и грижа за другите, со цел поттикнување на солидарност и општествени вредности кај најмладите. Од библиотеката упатија благодарност до сите учесници, посочувајќи дека оваа работилница е прва реализирана активност на ЈЛБ „Илинден“ во 2026 година.

Возач од Берово е тешко повреден откако со возило излетал од пат доцна синоќа. – На 01.01.2026 oколу 22:05 часот во ОВР Берово е пријавено дека на регионалниот пат Берово–Делчево, кај с.Смојмирово, патничко возило „киа“ со беровски регистарски ознаки, управувано од З.К.(51) од Берово, излетало надвор од коловозот. Во несреќата со тешки телесни повреди се здобил возачот, констатирани во Клиничката болница Штип, информираа од полицијата. Извршен е увид од увидна екипа од ОВР Берово.