Author: Media Point

Здружението на граѓани „Багери“ од Македонска Каменица, со особена чест и задоволство, Ве поканува на свечената манифестација „Избор на спортист на годината на Македонска Каменица за 2025 година“ Програмата од манифестацијата „Спортист на годината“ покрај доделувањето на признанија за нашите најдобри спортисти и спортските клубови од нашиот град, предвидува промотивни и поздравни обраќања и говори на истакнати личности од областа на спортот и од заедницата, како и пригодна културно-уметничка програма за збогатување на свеченоста. Настанот ќе се одржи во Домот на култура во Македонска Каменица, на 24. јануари 2026 година (сабота), со почеток во 17:00 часот. Ве покануваме да бидете…

ВМРО-ДПМНЕ го одбележа празничниот обичај на делење лепче со паричка во Македонска Каменица Во духот на вековната традиција и празничните обичаи, ВМРО-ДПМНЕ го одбележа чинот на делење на лепче со паричка, како симбол на заедништво, среќа и благосостојба. Настанот беше одржан со особена почит и достоинство, во согласност со традиционалните вредности кои се пренесуваат низ генерациите. Паричката оваа година и припадна на Невенка Ранова, а од партијата посочуваат дека симболиката на обичајот носи порака за здравје, успех и стабилност во текот на годината. Во соопштението се истакнува и заложбата за понатамошен одговорен ангажман, воден од идеалите, вредностите и визијата…

Паричката кај Антигона Постоловска во ЈП „Камена Река“ И оваа година продолжи традицијата продолжи во ЈП „Камена Река“. Годинава овде паричката од празничната погача се падна кај Антигона Постоловска. Таа го презеде кумството, а пригодна награда ѝ беше врачена од директорот на претпријатието, Добри Јаневски. По тој повод ѝ упатуваме честитки и желби за добро здравје, среќа и благосостојба.

Виничанец управувал со 121 км/ч на пат со ограничување од 50 км/ч На 10 јануари 2026 година, околу 16:50 часот, полициски службеници од СВР Велес на регионалниот пат Штип-Велес, кај крстосницата Мамутчево, лишиле од слобода 30-годишен жител на Виница, А.А. При контрола со радар било утврдено дека управувал патничко возило „поло“ со брзина од 121 км/ч, на дел од патот каде што максималната дозволена брзина изнесува 50 км/ч.

Епископот Делчевско-каменчки, Марко, при посетата на Босна и Хрцеоговина имал интервју за Радио Телевизија на Република Српска, во кое зборува за црковни теми и за односите меѓу МПЦ-ОА и СПЦ, по обединувањето на ПОА со МПЦ-ОА. Во инетрвјуто, новинарот меѓу прашањата го постави и она на што СПЦ изминативе три години става акцент, а тоа дека светилиштата градени од српските владетели се српско културно наследство во Македонија. Епископот Марко, како одговор на тоа направи една паралела со фразата „Солун е наш“. -Некои порано политички зборуваа дека Солун  е наш. Велам дека така не може да се каже, дека на таков…

Министерството за надворешни работи на Бугарија излезе со остра реакција и најостра осуда откако денеска (11 јануари) непознато лице извршило напад врз објектот на бугарската амбасада во Скопје. Официјална Софија го оцени чинот како недопустлив напад врз дипломатска мисија и грубо кршење на Виенската конвенција, директно обвинувајќи ги македонските институции за создавање клима на неказнивост. „Ова е резултат на системска пасивност“ Во соопштението, бугарското МНР не штеди критики кон македонските власти, поврзувајќи го денешниот инцидент со претходни случувања. „Министерството изразува длабока загриженост што ваквото дрско дело е резултат на системскиот недостиг на реакција од надлежните институции на Република Северна Македонија при претходни…

„Во Македонска Каменица постојат само 4 лифта, по два во секоја 10-катница. Не знаете каква радост беше кога ќе се качиш во лифтот. Стравот беше голем, ама желбата да докажеш дека си храбар – посилна од сè. Лифтовите беа тест за храброст – со тој што се возел нема закачање, а тој што не влегол е плачко“, вели водителката Снеже Велков во серијалот „За мојот роден град“ за CRNOBELO.com. Водителката Снеже Велков, која е родена во Македонска Каменица, уште од средношколските денови живее во Скопје. Таа неколкупати годишно го посетува својот роден град и секогаш му се враќа со…

Српскиот пејач Аца Лукас објави на Инстаграм дека синоќа засега непознати лица се обидоа да го убијат на Јахорина. – По синоќешниот настап на Јахорина, се обидоа да ме убијат мене и мојот возач, едвај се спасивме живи. Се обидоа да нè убијат, напиша Лукас на Инстаграм. Пред помалку од два месеци, фотографија од Насер Ориќ и Аца Лукас, која се појави на социјалните мрежи, предизвика бура од коментари и бројни реакции. Поради оваа ситуација, Јахорина официјално го откажа настапот на Лукас на својот Инстаграм профил.

Денес, на покана на неговото Преосвештенство Епископот Дремвитски г. Давид и по повод неговиот именден, неговото Преосвештенство Епископот Делчевско-каменички г. Марко чиноначалствуваше со Светата Божествена Литургија во манастирот „Успение на Пресвета Богородица“ во Маркова Сушица – Скопје. По завршувањето на Литургијата, Епископот Марко одржа вдахновена беседа и упати срдечни честитки до Епископот Давид по повод неговиот именден, посакувајќи му духовна сила, здравје и понатамошно успешно служење во лозата Христова. По богослужението следуваше братско и радосно заедничарење на верниците со архиереите, исполнето со благодарност и духовна радост. Нека се умножуваат ваквите благословени собири на молитва и љубов во Христа.

Службен разговор во ПС Македонска Каменица по пријава за закани и агресивно однесување На 9 јануари 2026 година во 15:00 часот, во Полициското одделение Македонска Каменица бил извршен службен разговор со М.С. (43) од село Косевица, општина Македонска Каменица. Постапувањето следувало по пријава од Ф.В. (23) од Македонска Каменица, кој пријавил агресивно однесување и упатени закани. Од МВР соопштуваат дека по целосно документирање на случајот, против М.С. ќе биде поднесен соодветен поднесок, согласно законските прописи.