Author: Media Point

Македонија и СтрумицаСтрумица има нова причина за гордост. Младата и талентирана Тина Русева го освои првото место на престижното европско музичко натпреварување The Voice of Europe 2025, оставајќи силен впечаток со својот вокал, сценски настап и емоционална интерпретација. Во исклучително силна конкуренција од учесници од повеќе европски земји, Русева успеа да се истакне и да стигне до самиот врв, добивајќи високи оценки и пофалби и од жирито и од публиката. Нејзиниот настап беше оценет како зрел, автентичен и впечатлив, што на крајот ѝ ја донесе победата. Овој успех претставува големо признание не само за Тина Русева, туку и за Македонија…

По повод големиот христијански празник Св. Богојавление- Водици Градоначалникот на општина Делчево Иван Гоцевски заедно со тим од општинската администрација го започнува спроведувањето на кампањата “Најдоброто од Делчево”. Станува збор за широка програмска активност која што ќе се спроведеува во наредните години, а која за крајна цел ја има промоцијата и афирмацијата на општина Делчево во регионални, национални и меѓународни рамки. Оваа кампања иницијално започнува симболично по повод христијанскиот празник Св. Богојавление кој што има огромно значење за развојот на целокупната човекова цивилизација а пред се духовни вредности кои што афирмираат хуманистички вредности на највисокко општествено ниво. За почеток на…

Младите од Делчево наскоро ќе го добијат својот Младински центар кој претставува сервис за млади со мисија да ги обедини, да ги мотивира, но и да им даде можност на младите во Делчево. Во моментов се подготвува и се уредува просторот во зградата на старото собрание кој на предлог на градоначалникот Гоцевски и по донесената Одлука на Советот на Општина Делчево, беше даден на користење за потребите на Младинскиот центар. Денеска увид во подготовката на Младинскиот центар направи градоначалникот Иван Гоцевски кој изрази задоволство од експедитивноста на службите за опремување и уредување на Центарот. -Ме радува фактот што докажуваме дека…

Денешни активности како дел од акцијата „Чиста животна средина во Општина Виница“, чистење на патот Виница-Градец и влезот на Виница од Берово. Апелираме до совесните граѓани да пријавуваат одлагање на било каков отпад до инспекциските служби во Општина Виница, воедно информираме дека инспекциските служби се секојдневно на терен и за несоодветно одлагање на отпадот ќе следуваат строги казни согласно закон, – стои во објавата од Општина Виница

Не отварајте сомнителни линкови и пораки и не споделувајте лични податоци Министерството за внатрешни работи ја информира јавноста дека изминатиов период е забележана појава на фишинг напади кои се изведуваат преку лажни СМС пораки, електронски пораки, веб-страници и пораки на социјалните мрежи. Пораките обично изгледаат како да доаѓаат од доверливи извори, како банки, државни институции, реномирани компании, но имаат за цел да ги измамат корисниците и да ги обезбедат нивните лични или финансиски податоци. Најчести се лажните СМС пораки за пристигнати пратки од пошта, а главната цел е да се приберат личните податоци на примателот или да се натера да…

Тара Димитровска Стаменковска повторно на драмската сцена во Македонска Каменица По подолг период, Тара Димитровска повторно се враќа на драмската сцена во Македонска Каменица со нова театарска продукција планирана за 2026 година. Проектот носи автентична приказна и сцена блиску до публиката. Во рамки на подготовките е објавен кастинг повик за сите заинтересирани и талентирани лица со изразена сценска енергија, храброст, чувство за хумор и способност за толкување реални карактери. Рокот за пријавување е до 25 јануари 2026 година, а аудицијата ќе се одржи на 30 јануари. Пријавувањето се врши по електронски пат со доставување кратко видео и текстуална биографија, а…

Европската унија најави воведување построги прописи за извоз на половни автомобили во таканаречените трети земји. Мовите правила не значат забрана за извоз, но носат построги критериуми и дополнителни трошоци за возилата кои не се целосно технички исправни. Целта на новата директива е да се направи јасна разлика помеѓу функционалните половни автомобили и оние кои се сметаат за отпад, како и да се заостри контролата врз извозот на постари возила. Извозот на понови и добро сочувани автомобили кои се стари две, три или пет години нема да биде контроверзен. Проблемот се јавува кај постарите и поевтини половни автомобили, кои со години…

Каменичката парохија ја информира јавноста дека по повод големиот христијански празник Богојавление – Водици, во понеделник, на 19 јануари 2026 година, во Македонска Каменица ќе се одржи традиционалниот Богојавленски водосвет. Според најавата, водосветот ќе започне во 12:30 часот во храмот „Успение на Пресвета Богородица“, а околу 12:50 часот ќе следува спуштање на Чесниот Крст во водите на Каменичка Река. Чинот ќе го изврши надлежниот архиереј, Епископот Делчевско-каменички г. Марко. Од Каменичката парохија информираат дека сите лица кои сакаат да учествуваат во фаќањето на Чесниот Крст задолжително треба да се пријават во храмот „Успение на Пресвета Богородица“ најдоцна до недела, 18…

Во Македонска Каменица одбележан празникот Обрезание Христово и почетокот на Православната Нова година Денес, 14 јануари 2026 година, Светата Православна Црква го одбележа празникот Обрезание на нашиот Спасител Господ Исус Христос, споменот на свети Василиј Велики и почетокот на Православната Нова година. По тој повод, во храмот „Успение на Пресвета Богородица“ во Македонска Каменица беше отслужена Света Божествена Василиева Литургија, со која чиноначалствуваше Неговото Преосвештенство, епископот Делчевско-каменички г. Марко, во сослужение на парохиските свештеници. По читањето на Светото Евангелие, епископот г. Марко одржа пригодна беседа, во која ја истакна важноста на православното празнување на светителите и потребата од духовно обновување.…

ИЗВЕСТУВАЊЕ ДО ГРАЃАНИТЕ НА ОПШТИНА ВИНИЦА Ги известуваме граѓаните дека, согласно Законот за урбано зеленило, сопствениците и корисниците на приватни имоти се должни да го одржуваат зеленилото во своите дворови. Дрвјата чии гранки навлегуваат на јавни површини (улици, тротоари и сл.) мора да бидат соодветно искастрени, со цел обезбедување безбедно и непречено движење. Рокот за постапување е 90 дена од денот на објавувањето на ова известување. Апелираме до граѓаните навремено да ја исполнат оваа обврска. Во спротивно, ќе се постапува согласно законските прописи и надлежностите на општинските инспекциски служби.