ТЕШКА СООБРАЌАЈНА НЕСРЕЌА КАЈ ДРАКИТЕ НА ПАТОТ ИСТИБАЊА – МАКЕДОНСКА КАМЕНИЦА
“Двајца млади тешко повредени откако мотоцикл излета од патот кај брана Калиманци”
Виница, 15.08.2026 – Двајца млади мажи се здобија со тешки телесни повреди во сообраќајна несреќа што се случи вчера на патниот правец од село Истибања кон браната Калиманци.
Според информациите од Министерството за внатрешни работи, настанот во ОВР Виница бил пријавен вчера (14.08.2026) во 12:12 часот, а несреќата се случила околу 11:40 часот на место викано „Драка“.
Мотоцикл со делчевски регистарски ознаки, управуван од О.Ш. (18) од Делчево, од засега непознати причини излетал од коловозот.
Во несреќата, покрај 18-годишниот возач, тешко е повреден и неговиот сопатник Ѓ.Е. (24) од село Тработивиште, делчевско. На двајцата им е укажана лекарска помош и им се констатирани тешки телесни повреди во Општата болница во Кочани, каде се задржани на понатамошно лекување.
Од СВР Штип информираат дека за настанот е известен јавен обвинител од Основното јавно обвинителство Кочани, а увид на местото на несреќата извршила увидна екипа од ОВР Виница.
Причините за излетувањето дополнително се утврдуваат.