Категорија: Вести

Жителите на село Моштица добиваат асфалтирани пристапни патишта до своите домови

Од општина Македонска Каменица известуваат дека, во рамки на своите овластувања вршат асфалтирање на пристапни патишта -кракови во село Моштица со вкупна должина од 375 метри. Асфалтен пат со ширина од 3,5 метри и тампониран дел со ширина од 5 метри ќе добијат жителите на Моштица од маало Ваинци со 75 метри должина, Бунар 110 метри должина, Бабанец 100 метри должина и до Селото ќе води асфалтен пат со должина од 90 метри.  Изведувач на работите е „Стоименов“ ДООЕЛ – Кочани, вкупна вредност на проектот со кој трајно се решава проблемот поврзан со пристапен пат до овие маала во село Моштица е 2.326.062 денари. По завршувањето на овие пристапни патишта (кракови) во село Моштица, општина Македонска Каменица продолжува со асфалтирање на пристапни патишта на територијата од останатите селски средини.