По освоената шампионска титула со екипата на Црвена Звезда, српските медиуми најавуваат дека Перо Антиќ ќе замине во пензија.
Такво нешто тој кажа уште лани, но на полусезона се премисли и рече дека би можел да игра додека може. Во моментов ситуацијата околу него не е сосема јасна, но последните повреди, како што тврдат медиумите во Србија, најверојатно ќе го натераат нашиот кошаркар да се збогува со играњето кошарка.
Што и да одлучи, Перо Антиќ со златни букви ќе остане запишан во историјата на македонската кошарка. Не само затоа што освои титули со Работнички, Лукоил Академик, Олимпијакос, Фенербахче и Црвена Звезда, три пати ја освојуваше Евролигата и стана прв Македонец во НБА лигата, туку и затоа што има огромен придонес во развојот на овој спорт во земјава.
Веројатно многу брзо ќе стави крај на шпекулациите и ќе ја донесе конечната одлука.