Кошаркарите на КК Баскет Кам стигнаа до две рутнски победи во натпреварите од Втората кошаркарска лига на Македонија.
Сениорската екипа предводена од разиграните Александар Тодоровски и Стефан Гоцевски славеше против КК Црн Дрим од Струга со 86:74. Со висок процент на реализација во Тодоровски запиша 32 поени, а Стефан Гоцевски задоволи со 29 поени. Целиот тим одигра солиден натпревар, сите играчи беа на висина на задачата, како во нападот така и во одбраната.
Со оваа победа КК Баскет Кам на стартот од новата сезона има “две од две”, што е значаен успех за подмладениот состав на каменичани.
Денеска, во Спортската сала во Македонска Каменица во категорија (М18) КК Баскет Кам славеше со високи 87:27, декласирајќи го КК Кожуф од Гевгелија. Во оваа висока победа младинците на КК Баскет Кам беа предводени од Матеј Митревски, кој вчера настапи и за сениорскиот тим.