ООУ „Св. Кирил и Методиј“ го одбележува Светскиот ден без автомобили и Европската недела на мобилноста -

ООУ „Св. Кирил и Методиј“ во Македонска Каменица со возење на велосипеди и истакнати транспаренти со пораки до возрасните, се приклучи кон одбележувањето на Меѓународниот ден на мобилноста

„Нашето училиште се приклучи кон одбележувањето на Европската недела на мобилност и Светскиот ден без автомобили. Со возење на велосипеди на градските улици во централното градско подрачје, учениците од 6 до 9 одделение, под менторство на наставниците Васко Станковски, Драгана Миланова, Љупка Ристовски и Сашо Мицевски, заедно со В. Д Директорот Виктор Георгиевски, го одбележаа Светскиот ден без автомобили“ – истакнуваат од ООУ „Св. Кирил и Методиј“

Покрај возењето на велосипеди, како што истакнуваат од каменичката деветолетка, беа истакнати и транспаренти со пораки до возрасните за зголемено користење на велосипеди и останати еколошки превозни средства, со што сите заедно ќе дадеме свој придонес во заштитата на животната средина.

За безбедноста на учесниците во настанот беше задолжено Полициското одделение во Македонска Каменица.