Непознат рзбојник нападнал девојче и момче во Скопје, при што им украл мобилни телефони и 770 денари.
Според полицискиот извештај, во понеделникот околу 15.30 часот во Скопје на булевар „Партизански Одреди“ непознат сторител извршил разбојништво над шеснаесетгодишно девојче и нејзин петнаесетгодишен другар. Сторителот им пришол од зад грб во влез од зграда каде го удрил девојчето со тупаница по лицето, а потоа со закана со нож им одзел два мобилни телефони и 770 денари по што истиот заминал во непознат правец.
Полицијата од Центар презема мерки за пронаоѓање на сторителот и за целосно расчистување на случајот.