Во рамки на повеќедневниот престој во Италија, градоначалникот на општина Македонска Каменица, Димчо Атанасовски оствари работна средба со Македонското здружение „Инсиеме“.
Покрај оваа средба со градоначалникот Атанасовски, ова зддружение оствари работни и со Високотопреосвештенство на Европскиот Митрополит, Г. Пимен, директорот на Агенцијата за иселеништво, Слободан Близнаковски и конзулот од Местре, Стојан Витанов.
ПРОЧИТАЈ ПОВЕЌЕ: Македонска Каменица се збратимува со италијанските општини Рикалдоне, Касине и Аличе Бел Коне
На средбата, како што стои објавено по завршувањето на средбите, е разговарано за продлабочување на соработката со општина Македонска Каменица, како и внесување на „Инсиеме“, како македонско здружение во во Регистерот на Македонија за иселеништво.
Од таму, упатуваат голема благодарност до општина Рикалдоне и Црковниот одбор предводен од Отец Михајло Матевски што помогнаа во одржувањето на оваа средба.
ПРОЧИТАЈ ПОВЕЌЕ: Светол ден за Македонците во Италија – МПЦО “Св. Архангел Михаил” во Неиве доби сопствен објект
Градоначалникот Димчо Атанасовски со делегацијата составена од директори на локални институции и членови на Советот на општина Македонска Каменица, во рамки на повеќедневната посета на италијанските општини Рикалдоне, Касине и Аличе Бел Коне, оствари повеќе работни нивните градоначалници и претставници на тамошните институции. Со претставници на повеќе македонски и црковни организации, како и неформални средби со поголем број на наши сограѓани иселеници во Италија.