Катастар на сите водоводни, канализациони мрежи и подземни кабли ќе се прави во 11-те општини од Истокот. Ова го предвидува втората фаза од воведувањето на т.н. ГИС систем која се однесува на имплементацијата на подземен катастар во сите 11 општини од Источно планскиот регион. Вредноста на спроведувањето на проектот се уште се пресметува и наскоро ќе биде познато со колкав буџет општините би учествувале во неговата реализација, а колку од средствата би биле поддршка преку грантови.
