Уште во текот на денешниот работен ден, екипите на ЈП Камена Река започнаа со интензивни работни активности за отстранување на настанатите штети при вандалскиот чин врз фонтаната на Градскиот плоштад во Македонска Каменица. Оштетувањата на фонтатаната и останатата урбана опрема веќе се отстранети и истите повторно се ставени во функција.
Како што информираат од претпријатието, случајот е пријавен кај надлежните и очекуваат соодветни мерки против сторителите. Исто така, упатуваат апел до граѓаните да ги пријавуваат забележаните сторители кои оштетуваат урбана опрема.
