ЈП Камена Река објави известување до граѓаните на општина Македонска Каменица, во кое се вели дека “По повод Денот на пролетта, 21.03.2022 година (понеделник), ЈП “Камена Река” во соработка граѓаните, институциите и воспитнообразовните установи во општина Македонска Каменица ќе биде организирана голема пролетна екоакција”.
Големата пролетната екоакција започнува во 9.00 часот, а за собирно место е означен просторот пред влезот на ЈП “Камена Река”.
“Покрај чистење на излезите од градот кон Кочани и Делчево, екоакцијата опфаќа и засадување на дрвни садници на излезот од Македонска Каменица кон приградската населба Павлиш Дол и м.в Падарница” – известуваат од претпријатието, од каде дополнуваат дека “Заедно со најмладите, дечињата и учениците во Македонска Каменица, планирано е хортикултурно уредување на повеќе јавни простори, како и дворовите од детската градинка и двете училишта во Македонска Каменица”.
Во соопштението ЈП Камена Река “Ги поканува сите граѓани на општина Македонска Каменица да се приклучат кон акцијата за чистење на градот и засадување на садници, како би дале свој допринос за поубава, почиста и поздрава животна средина”.
ЈП Камена Река, како организација задолжена за одржување на јавната чистота и уредување на јавните зелени простори во градот и руралните средини, постојано организира вакви и слични екоакции во сите периоди на годината, на целата територија на општина Македонска Каменица.
* Фотографии од архивата на Каменица.Мк