Македонска Каменица, 01.06.2022 година – Во текот на изминатата ноќ, од страна на непознати сторители, на вандалски начин е уништена на фонтаната од градскиот плоштад во Македонска Каменица.
Со овој вандалски чин, како што известуваат од ЈП Камена Река, покрај фонтаната, во голема мера е уништена и останатата урбана опрема на плоштадот.
“Градежните екипи на ЈП Камена Река веќе работат на поправка на оштетувањата, при што санацијата на уништената опрема ќе биде завршена во најкус можен рок”, – велат од Јавното претпријатие, од каде додаваат дека, “овие активности создаваат дополнителни финансиски импликации за претпријатието, што ќе се одрази и врз буџетот на граѓаните. Затоа, апелираме до граѓаните да се воздржат од вакви вандалски чинови, а сите забележани појави на вандалско однесување да ги пријавуваат кај надлежните”.
Во координација со општина Македонска Каменица, случајот е пријавен во МВР. Се очекува откривање на сторителите и соодветна казна за истите.
