Повторно беа убедливи против МЗТ Скопје Аеродром, сега со (88:62) за високи (2-0) во серијата која се сели во Скопје
Екипата од Македонска Каменица е на само еден чекор пред пласман во финалето на плеј-офот откако уште еднаш беше подобра од бранителот на Купот…
Баскет Кам 2011 – МЗТ Скопје Аеродром 88:62 (2-0)
ФОТОГАЛЕРИЈА ОД НАТПРЕВАРОТ ОВДЕ
Домашните кошаркарки обезбедија солидно водство уште во текот на првата четвртина, кое по десет минути игра изнесуваше девет поени (23:14).
Гостинките, предводени од одличната Симонс, анулираа добар дел од негативата во втората четвртина која ја добија со (20:13).
Се очекуваше дека тоа минимално водство на Баскет Кам 2011 ќе донесе уште поголеми возбудувања во второто полувреме. Но како одминуваа минутите, така паѓаше играта на гостинската екипа која во меѓувреме, поради пет лични грешки остана без своите две најдобри кошаркарки, Симонс и Живковиќ.
На крајот на третиот дел беше плус 8, за домашната екипа (50:42).
Но компелтниот „распад-систем“’ во играта на аеродромки дојде во последната во која фаворитот за место во во финалето притисна уште повеќе и на крјаот дојде и до убедлив триумф во кој Цеце Димова и Елена Тасевска дадоа по 20 поени, а Ана Милованова уште 15 клучни поени.
Симонс беше најефикасен актер на овој втор меч од серијата, Американката во редовите на МЗТ Скопје Аеродром реализираше 30. поени. Но поради пет лични грешки мораше порано да го напушти теренот. Исто така, пред да направи пет лични грешки, Живковиќ реализираше девет поени.
Последната четвртина од натпреварот ЖКК Баскет Кам ја одигра со своите најмлади кошаркарки Зорица Караѓозова, Матеја Владимирова, Милена Петровска и Благица Илиева. Тие покрај настапите во составот на М18 тимот, даваат силен придонес во играта на сениорскиот тим, како и во развојот на клубот кој продолжува да вложува во млади играчи и во младинските категории.