Саса убедлива во Кочани против Осогово на стартот од новата сезона

ФК Каменица САСА оствари висока победа против екипата на Осогово во Кочани. Ова меѓуградско дерби, одиграно во рамки на првото коло од Втората македонска фудбалска лига на Македонија, заврши со високи 4:1 за екипата од Македонска Каменица.
Бледата и недоволно организирана игра на домаќините, се покажа како пресуден момент при креирањето на крајниот резултат. Иако, на полувреме се замина само со 1:2, уште на самиот старт од второто полувреме гостите ја преземаа иницијативата. До крајот на натпреварот, успеаа уште во два наврати да реализираат за конечни 1:4.

Стрелец за домаќините беше Ќазимов, додека мрежата на Осогово ја тресеа Ричков, Божинов, Димовски и Ефремов.
Следното коло ФК Каменица САСА е резервирана за Тим Локомотива од Градско, а Осогово игра уште едно дерби, овојпат против екипата на Слога 1934 во соседна Виница.

Leave a Reply

Your email address will not be published.