Новата учебна година во СОУ „Миле Јаневски Џингар“ во Македонска Каменица започнува со целосно завршена реконструкција на тоалетите во училиштето.
![](http://kamenica.mk/wp-content/uploads/2023/09/374767823_2993412167461670_2189131505248793796_n.jpg)
Како што истакна директорката на СОУ „Миле Јаневски Џингар“ Данче Гоцевска, „станува збор за проект кој опфаќа целосна реконструкција на тоалетите, спроведен со поддршка на Општина Македонска Каменица и градоначалникот Димчо Атанасовски“.
![](http://kamenica.mk/wp-content/uploads/2023/09/376267364_2993412427461644_3779492322631234105_n.jpg)
– Комплетно е променета водоводната и канализационата мрежа, поставени се нови санитарни плочки, поставени се нови санитарни елементи, нови врати, како и целосна реконструкција на ѕидовите и плафонот, – додава Гоцевска. Со ваквите проекти значително ги подобруваме условите во училиштето, согласно најсовремените стандарди и потреби на учениците.
![](http://kamenica.mk/wp-content/uploads/2023/09/370381378_2993412360794984_4595337394491814310_n.jpg)
Проект е во вредност од 1 597. 259,00 денари, обезбедени од Буџетот на СОУ “Миле Јаневски Џингар” и средства од Општина Македонска Каменица.
Изведувач на градежните работи беше „ДАРМАР-ИНЖЕНЕРИНГ“ ДООЕЛ од Македонска Каменица.
![](http://kamenica.mk/wp-content/uploads/2023/09/374566704_2993412274128326_4776665174551892798_n.jpg)