После долги години, од Општина Македонска Каменица најавуваат сериозни инвестиции во Индустриската зона.
– Ќе асфалтираме три крака кои водат до веќе изградените објекти. Ќе започнеме со уредување на десетина парцели во општинска сопственост и веќе од средината на оваа година, истите ќе бидат подготвени за продажба, – изјавува градоначалникот на Македонска Каменица, Димчо Атанасовски
Целта на општината, како што стои во соопштението за јавност, е привлекување на нови инвеститори од областа на лесната и незагадувачка индустрија, како и поттикнување на дополнителен економски развој на градот.
– Паралелно, заедно со Рудник Саса и PrimePoint Partners Macedonia and Montenegro работиме на долгорочен проект за одржлив развој на Македонска Каменица, кој опфаќа сериозна поддршка за постоечките и новите бизниси. Потоа, поддршка во земјоделието и туризмот, како и изградба на нов општински центар за услуги кој ќе биде посредник меѓу сите овие фактори и кој ќе биде двигател на новата економска иднина на нашата општина, – дополнува Атанасовски во својата изјава