ОД УТРЕ ПОЧНУВА СКРИНИНГОТ ВО ОСНОВНИТЕ УЧИЛИШТА
Од утре почнува нов скрининг во основните училишта, каде што е зголемен бројот на новозаразени ученици, одлучи Комисијата за заразни болести.
Од комисијата велат дека покачените бројки го вклучиле алармот и е одлучено да се направи скрининг за да се покаже каква е трансмисијата. Скринигот ќе се одвива во основните училишта, а тестирањето треба да биде со согласност од родителите.
Од денеска препораките за лекување на ковид-19 се достапни на страницата на Министерството за здравство и ќе бидат достапни за сите лекари кои се вклучени во лекување на ковид-19.
Претседателот на комисијата, Александар Петличковски, изјави дека големата смртност од ковид во земјава не е резултат на непочитување на овие протоколи, туку се резултат на нашето запоставено здравје.
Препораките за лекување не се обврзувачки. Тие и досега се користеа за лекување на пациентите, но во меѓувреме се менувале неколкупати согласно ситуацијата.