ООУ ” Св. Кирил и Методиј “ од Македонска Каменица објави дека пристигнаа новите стандардизирани клупи и столчиња за потребите на учениците.
– Пристигнаа новите клупи и столчиња во живописни бои, кои пред се ги набавивме за дополнителна мотивираност на учениците, зголемена проактивност при воспитно-образовниот процес и подобрена удобност при престојот во училиштето, – истакнуваат од училиштето
– Почетокот на образовниот процес има огромно значење за секој ученик, особено развивањето на емпатијата и љубовта кон просторот каде го воспирема знаењето. Затоа ваквите активности и во иднина мора да бидат наш приоритет во работењето. Ние како институција ќе продолжиме посветено да работиме, со цел да бидеме пример за успешно делување и развој помеѓу воспитно-образовните институции на регионално и национално ниво, – изјави директорот на училиштето Виктор Георгиевски
Тој додаде дека од набавените 85 училишни клупи, 55 се поголеми и се наменети за повозрасните ученици во одделенска настава, а останатите триесет ќе ги користат помалите ученици. Набавени се и 170 столчиња.110 поголеми и 60 столчиња наменети за помалите ученици. Со оваа набавка ќе бидат опремени 10 училиници за одделенска настава. Средствата во висина од приближно 499 000 денари се обезбедени од Буџетот на училиштето.
