![](https://delcevo365.mk/wp-content/uploads/2022/08/Pres-konferencija-proekt-678x381.jpg)
Во Македонска Каменица се одржа прес-конференција во рамки на проектот „Еднаквоста, носи напредок“ чија главна цел е „Унапредување на родовата еднаквост преку воведување на родово еднакво буџетирање во општина Македонска Каменица“. Носител на проектот е здружението „Надеж – Норе“ од Македонска Каменица, а истиот се реализира со финансиска поддршка од страна на Европската Унија.
-Проектот се реализира во периодот од 15.03.2022 до 15.09.2023 година како под грант на проектот „Низ женски леќи“ кој што во Р.С.Македонија го спроведува Центар за истражување и креирање политики, Ромската асоцијација за жени и млади „Лулуди“, Новинари за човекови права, Рурална Коалиција и Ехо. Финансиската подршка преку добиениот грант е во висина од 248.265 денари, од кои 223.438 илјади денари се средства обезбедени од ЕУ, а 24.827 денари се средства од лично учество на Здружението „Надеж – Норе“ од Македонска Каменица, истакна Мартин Павловски од здружението Надеж-Норе.
![](https://delcevo365.mk/wp-content/uploads/2022/08/Pres-konferencija-M.Kamenica.jpg)
Координаторот за еднакви можности меѓу мажите и жените при Општина М.Каменица, Весна Дончевска очекува добри резултати од спроведувањето на проектот и изрази благодарност до каменичкото здружение за добрата соработка, напоменувајки дека за Општина М.Каменица е од огромна важност што е зголемен бројот на жени како учеснички во сите форуми за презентации и конференции, како и учеството на млади луѓе во истите.
![](https://delcevo365.mk/wp-content/uploads/2022/08/Izjava-Doncevska.jpg)
Кимет Амет од Ромската асоцијација за жени и млади „Лулуди“ која е директен партнер во проектот „Низ женски леќи“, додаде дека целта на проектот кој е реализиран од 4 партнерски организации е креирање политики и користење на трудовиот аспект во креирањето во буџетите на локално ниво.
![](https://delcevo365.mk/wp-content/uploads/2022/08/Kimet-Amet-izjava.jpg)
-Се работи со 17 општини, во моментот сме во М.Каменица со организацијата која е импелентатор на проектот во период од 18 месеци. Има многу млади и активни млади во самата општина кои се надеваме ќе бидат вклучени во реализацијата на проектот. На целиот тим во проектот им посакувам успешни буџетски програми во самата Општина, рече Амет.
![](https://delcevo365.mk/wp-content/uploads/2022/08/Ucesnici.jpg)
Како дел од спроведувањето на проектот предвидени се работилници со четири фокус групи меѓу кои Локалниот младински совет и млади лица, млади претприемачи, млади иселеници, како и ЛМС и претставници на општината.По завршувањето на работилниците ќе се спроведат анкети и анализа на важечките буџетски програми и политики на општината во однос на родовата еднаквост со фокус на младите во општината, а ќе биде изготвен и мониторинг извештај преку поднесување предлог иницијативи за реализација на одредени проекти.