Нова индустриска машина за перење алишта и нов фрижидер доби Детската градинка “Бамби”
Општина Македонска Каменица со средства од сопствениот буџет набави нова индустриска машина за перење алишта и нов индустриски фрижидер за Детската градинка “Бамби” од Македонска Каменица.
На овој начин, како што стои во соопштението за јавност објавено од градоначалникот на општина Македонска Каменица, Димчо Атанасовски “значително ќе се подобрат условите за одржување на хигиена, како и за подготовка на храна за дечињата кои престојуваат во градинката“.
Во продолжението од објавата на градоначалникот Атанасовски се вели дека, “Општината веќе работи на набавка на нови душеци, нови креветчиња за јасли и играчки за дечињата”, како и тоа дека локалната самоуправа продолжува посветено во обезбедување подобри услови за дечињата во установата.
