Градоначалникот на општина Македонска Каменица, Димчо Атанасовски ја најави платформата #мЗаедница.
“Ветивме целосна дигитализација на услугите во Општина Македонска Каменица и забрзано чекориме во тој правец” – изјавува Атанасовски, кој додаде дека “Платформата #мЗаедница наскоро ќе стане достапна за граѓаните на Македонска Каменица”.
Преку оваа мобилна и веб апликација, како што истакна градоначалникот Димчо Атанасовски, секој ќе може да комуницира со вработените во општината, да влијае на тековните активности, но и да ги реализира сопствените права.