ГРАДЕЖНИОТ БУМ ВО МАКЕДОНСКА КАМЕНИЦА ЗАПОЧНУВА ОД ИНДУСТРИСКАТА ЗОНА
Македонска Каменица, 06. Април 2023 година – Од Општина Македонска Каменица најавуваат дека започнуваат со градежна офанзива, која пред се ќе биде насочена кон одржлив развој на градот и руралните средини.
– Еден од врвните приоритети е сериозно инвестирање во Индустриската зона преку градење на соодветна инфраструктура. Денес е објавен Оглас за јавна набавка и очекувањата се дека овој проект ќе биде финализиран до почетокот на месец септември, – истакна градоначалникот на Македонска Каменица, Димчо Атанасовски
Проценета вредност на проектот без ДДВ изнесува 9.129.589,00 денари.