Голем број постковид проблеми со срцето и респираторниот тракт кај пациенти откриваат кардиохирурзите

Голем број постковид проблеми со срцето и респираторниот тракт кај пациенти откриваат кардиохирурзите

Расте бројот на граѓани кои биле болни од Ковид, кои денес имаат оштетување на срцето или на системот за дишење.

Ова го кажаа кардиохирурзи од регионот, собрани на првиот интерсекциски симпозиум во Скопје, во организација на новото македонско и српско здружение на кардиохирурзи.

„ИМАМЕ  ЕДНА ГРУПА ПАЦИЕНТИ  СО ПОСТКОВИДНО ОШТЕТУВАЊЕ НА СРЦЕТО, ПОМАЛО ИЛИ ПОГОЛЕМО. ЕДНА ГРУПА ПАЦИЕНТИ СО РЕСПИРАТОРНИ ОШТЕТУВАЊА . И НАЈВЕРОЈАТНО ВО БЛИСКА ИДНИНА ЌЕ ГИ ИМАМЕ ПОВЕЌЕ, ПА ДУРИ ОДРЕДЕН БРОЈ ОД НИВ  ЌЕ БИДАТ Т.Н. ПАЦИЕНТИ СО СРЦЕВА СЛАБОСТ КАЈ КОИ МОЖЕБИ ЌЕ ТРЕБА ДА СЕ ПРАВИ НЕШТО ПОВЕЌЕ“ – ВЕЛИ ДИРЕКТОРОТ НА КЛИНИКАТА ЗА КАРДИОХИРУРГИЈА, САШКО ЈОВЕВ.

 

„ГОЛЕМ ПРЕДИЗВИК Е СОСТОЈБАТА ПОСЛЕ КОВИД ПАНДЕМИЈАТА. СЕ СООЧУВАМЕ СО ГОЛЕМ БРОЈ ПАЦИЕНТИ КОИ ЗА ЖАЛ  НЕ СЕ ЛЕЧЕЛЕ АДЕКВАТНО ВО ВРЕМЕ НА ПАНДЕМИЈАТА, ОД ЗА НАС ПОЗНАТИ ПРИЧИНИ.НИЕ СЕГА РАБОТИМЕ 7 ДЕНА ВО НЕДЕЛАТА ЗА ДА ГИ ЗГРИЖИМЕ СИТЕ ПАЦИЕНТИ“ – ДОДАВА СЛОБОДАН МИЦОВИЌ ОД ИНСТИТУТОТ ЗА КАРДИОВАСКУЛАРНИ БОЛЕСТИ „ДЕДИЊЕ“ ВО СРБИЈА.

Трансплантацијата на нов орган е крајно решение при потешки оштетувања на срцето, предизвикани од корона вирусот.

Во Македонија трансплатацијата на срце започна во време на корона кризата и досега се извршени 6 зафати.

А, во Хрватска како една од лидерите во трансплантација на срце, лани биле извршени рекордни 29 трансплантации и покрај проблемот со донори на органот кои главно се од странство.

„ЕДЕН ОД ПРОБЛЕМИТЕ БЕШЕ ЗАМЕНА НА ОРГАНИТЕ, А ДРУГ ПРОБЛЕМ СЕ САМИТЕ БОЛНИ КОИ БЕА ЗАРАЗЕНИ СО КОВИД.ЗБОРУВАМЕ ЗА БОЛЕН КОЈ ПРИМА ЛЕКОВИ КОИ ГО УСПОРУВААТ НЕГОВИОТ ИМУНОЛОШКИ СИСТЕМ. И ПОТОА КОГА ЌЕ СЕ ВСЕЛИ КОВИДОТ ТОА Е ВСУШНОСТ МНОГУ ГОЛЕМ МЕДИЦИНСКИ ПРОБЛЕМ. И ЗА ЖАЛ ЧЕСТО СЕ БОРИМЕ СО ПРЕДИЗВИЦИ КОИ СЕ ПОЛОШИ ОД ОНИЕ КАЈ СТАНДАРДНАТА ПОПУЛАЦИЈА“ – ВЕЛИ ХРВОЈЕ ГАШПАРОВИЌ ОД КЛИНИКАТА ЗА КАРДИОХИРУРГИЈА, „РЕБРО“ ВО ЗАГРЕБ.

За успешна работа, потребно е следење на светските трендови во кардиохирургијата кои постојано се менуваат.

И пациентите се менуваат а и процедурите со кои се третираат стануваат посложени во однос на минатото, дополнува  Гашпаровиќ.

Добрите врски во регионот придонесуваат новите методи за третирање на пациентите бргу да се пренесуваат меѓу колегите, а проблемот со финансиите Клиниката за кардиохирургија од Скопје го решава преку преговори со Фондот и Министерството за здравство, дополнува директорот Јовев.

Сотир Трајков

Leave a Reply

Your email address will not be published. Required fields are marked *