Газдите на три текстилни фирми, на работниците им должат половина милион евра за плати, тврдат од здружението Гласно:
- Ако ги земеме неисплатените плати во Нина Фешн во Штип, Кадото ОТО во Крива Паланка и Трко Виница, доаѓаме до сума од околу 500.000 евра, пресмета Горан Трајковски од Здружението „Гласно“ – Штип.
Од вчера, околу 250 вработени од виничко Трико, излегоа на штрајк, откако последен пат, плата примиле за јануари лани:
- До февруари не сме зеле ништо, последните месеци ни исплаќаат плата по еден денар, а во УЈП се книжени плати од по 15.000 денари, законски ли е тоа, како е можно, реагираат вработени во Зона Трико – Виница.
Поради ова, од Гласно бараат итна заштита на работничките права:
- Имаме кршење на прават на работниците многу. Апелираме до инспекциските служби да направат контроли и да застанат во одбрана на работничките права, рече Кристина Ампева, Здружение „Гласно“ – Штип.
Во меѓувреме, правна помош на текстилните работнички им нудат од Хелсиншкиот комитет за заштита на човековите права:
- Започнуваме со имплементација на проектот „Правно зајакнување на текстилните работничи за самосастапување“. Намерата ние д аја зајакнеме свеста на текстилните работничии да ги детектираат прекршувањата на нивните човекови, работнички и социјални права, да ги пријават, а ние им нудиме басплатна правна помош, објасни Игор Јадровски, правен советник во Хелсиншки комитет.
Текстилната индустрија е доминантна индустрија во источниот регион и од неа живеат околу 10.000 семејства.
Според последните податоци од Статистика, просечната плата во овој сектор е под 11.000 денари, а се погласни се обвинувањата за кршење на работничките права во овој сектор.
Извор на информација: ТелевизијаСтар – Штип