Општина Македонска Каменица во соработка со Културно информативниот центар “Романса” со пригодна програма ќе ја одбележи 80 годишнината од смртта на народниот херој Вера Јоциќ – македонска партизанка и југословенски првоборец од Втората светска војна.
– По тој повод, КИЦ “Романса” ги поканува сите граѓани на општина Македонска Каменица, организации и институции од локалната самоуправа, на заедничко одбележување на годишнината од смртта на народниот херој Вера Јоциќ со пригодна програма и положување на свежо цвеќе, – стои во поканата од Културно информативниот центар Романса
Настанот ќе се одржи на 22. Мај во среда пред споменикот на Вера Јоциќ во Македонска Каменица, со почеток од 11:00 часот.
Вера Јоциќ, постхумно е прогласена за народен херој на 20. Декември 1951 година. Родена е на 21. Август 1923 година во Сингелиќ, Скопско, а животот го загубила во село Саса, Македонска Каменица, на 22 мај 1944 година.