Во рубриката Инстаграм приказни денеска Точка.Мк не запознава со Гонев – Модерниот номад. Според неговите зборови, тој не е професионален готвач, туку само човек кој е заљубен во природата и готвењето во природа! Малку скромна изјава, со оглед на тоа што можеме да го видиме на неговите видеа на социјалните мрежи.
Гонев живее и работи во Радовиш, а тоа што не привлече малку подлабоко да го истражиме неговиот профил на Инстаграм е оригиналноста – неверојатни сцени од македонските убавини, храна од која ќе ви потечат лиги – и сето тоа споено со одлична видеомонтажа.
![](https://tocka.com.mk/images/content/inside/2023-02/JFa7hlry6y-instagram-prikazna-na-gonev-moderniot-nomad-vljubenik-vo-prirodata-i-tradicionalnata-hrana-cii-videa-ke-ve-ostavat-bez-zdiv.jpeg)
Тој себеси се гледа како вљубеник во природата и готвењето под отворено небо. Името „The Modern Nomad“ е комбинација на номадскиот начин на приготвување на храна на отворено, со неговиот модерен, набилдан физички изглед.
![](https://tocka.com.mk/images/content/inside/2023-02/ot0Pb8PqIz-instagram-prikazna-na-gonev-moderniot-nomad-vljubenik-vo-prirodata-i-tradicionalnata-hrana-cii-videa-ke-ve-ostavat-bez-zdiv.jpeg)
Причини да му се обратиме имавме многу! Промоцијата на македонските убавини е една од нив. Втората е привлечноста на неговите видеа, кои изгледаат толку професионално, што „палецот не ви дозволува да продолжите со скролање“ пред да ги догледате. И третата, тоа што ни се создава илузија дека можеме да го почувствуваме прекрасниот мирис на неговите јадење, гледајќи ги само преку нашите екрани.
![](https://tocka.com.mk/images/content/inside/2023-02/8SpPD1kxm3-instagram-prikazna-na-gonev-moderniot-nomad-vljubenik-vo-prirodata-i-tradicionalnata-hrana-cii-videa-ke-ve-ostavat-bez-zdiv.jpeg)
Да го запознаеме Гонев преку шест видеа од неговиот профил на Инстаграм на Точка.Мк