Министерот за надворешни работи Бујар Османи објави дека Бугарија ги повлекува рестрикциите за нашите граѓани.
„Најнови информации за новите одлуки на Владата во Софија. Почнувајќи од утре, 10 октомври, Република Бугарија ги повлекува рестрикциите за патување за нашите државјани на нејзината територија.
Со последната одлука, Северна Македонија од црвена е преместена во портокалова зона. Забраната е укината за сите кои поседуваат сертификат за вакцинација (14 дена поминати од втората примена доза), или сертификат на прележано болест (од 11-тиот до 180-тиот ден од денот на оздравување), како и со негативен ПЦР тест (не постар од 72 часа)“, информиа Османи преку својот фејсбук профил.