Македонска Каменица, 26. Јуни 2024 година – Општина Македонска Каменица започна до изградба на пречистителна станица во село Цера со што се решава повеќедецениски проблем на жителите од Стара Каменица и село Дулица со снабдувањето со чиста и здрава вода за пиење.
– Денеска, започнавме со изградба на пречистителна станица за вода за пиење во село Цера, која во иднина ќе ги опслужува жителите на Стара Каменица и село Дулица со чиста и здрава вода за пиење, – истакна градоначалникот Димчо Атанасовски
Овој капитален проект е во рамки на програмските активности на општина Македонска Каменица, кое опфаќа изградба на пречистителни станици во приградските и руралните средини. Средствата се обезбедени од буџетот на општина Македонска Каменица и претставува еден од приоритетните проекти, со кој на граѓаните на Македонска Каменица ќе им овозможиме чиста и здрава вода за пиење.