Македонска Каменица, 17. Ноември 2023 година – Градоначалникот на општина Македонска Каменица, Димчо Атанасовски во рамки на теренските работни активности изврши увид во градежните работи за прочистување и пробивање на пристапен пат од Рудникот САСА до Ајдучка чешма преку маала Тораница.
– Во зависност од временските услови, очекуваме овој пат да биде завршен во најкраток временски период. Со тоа, решаваме повеќедецениски проблем на локалното население и овозможуваме олеснет пристап до природните убавини на село Саса и Осоговските планини воопшто, – изјави градоначалникот Атанасовски
Патниот правец каде се вршат градежни работи е со приближна должина од 8 км. Изведувач на работите е ,,Кав – Кам Транс” Дооел Македонска Каменица.