ДЕТСКИОТ АНИМИРАН ФИЛМ „ПАТЕШЕСТВИЕТО НА ПРИНЦОТ“ (The Prince’s Voyage) ВО ДОМОТ НА КУЛТУРА ВО МАКЕДОНСКА КАМЕНИЦА
Македонска Каменица, 09.09.2022 година – Продолжуваат проекциите на детските анимирани филмови за најмалата популација во Домот на култура во Македонска Каменица. Веќе на 15.09.2022 година, во четврток со почеток 18:00 часот, во организација на КИЦ Романса ќе биде прикажан детскиот анимиран фимл „Патешествието на принцот“.
Анимираниот филм е од втора категорија, за деца над 6 годишна возраст. Влезниците се веќе пуштени во продажба. По цена од 70 денари можат да се купат, секој работен ден, во просториите на Домот на култура во Македонска Каменица.
КИЦ Романса објави и кратко текстуално сиже од филмот во кое се објавнува како „Еден стар принц се насукува на непознат брег. Така ранет и изгубен е најден од младиот Том кој го носи кај неговите родители, двајца протерани научници кои имаат свој интерес за љубопитниот новодојденец. Како што смелото момче и мудриот кралски наследник започнуваат серија брилијантни бегства, нивниот капацитет за меѓусебно почитување и разбирање почнува да ги руши границите меѓу нивните светови.
Со помош на Том, Принцот открива општество за кое не знае ништо, додека родителите на Том решаваат да го искористат за да докажат дека нивната теорија дека постојат други мајмунски општества навистина била точна.“