Баскетот е спорт во кој се пронаоѓаат се повеќе наши момци. Екс кошаркарски професионалци но и ентузијасти кои успеале во некои други професии, но сепак, кошарката им останала во срцето.
Стефан Трајковски, Виткор Петров, Огнен Ивановски и Бојан Борисовски го сочинуваат баскет составот „Solution Skopje“, и се добро познати ликови од турнирите низ Македонија. Сепак, момците од „Solution Skopje“ решија летово да си ја пробаат среќата и на интернационална сцена па деновиве ќе настапат на силниот и моќен турнир во Солун, „Thess 3on3“, заедно со најдобрите баскет состави од цела Грција.
Турнирот стартува денеска, а нашите момци велат дека се мотивирани и подготвени за настапот.
„Секако дека сме среќни но и мотивирани, што ќе имаме шанса да настапиме на овој турнир. Се работи за исклучително силен собир на баскет екипи и се надеваме на успех“ – велат од „Solution Skopje“.