Македонска Каменица, 29.05.2022 година – Денеска, Македонска Каменица е домаќин на турнирот во пинг понг организиран од Лекарската комора на Македонија.
Турнирот е од интернационален карактер, каде земаат учество голем број на лекари и лица од медицината во Македонија и регионот. Турнирот е од рекреативен карактер, со цел дружба и рекреација на учесниците, но и одлична можност одблиску да го запознаат нашиот град.
Учесниците и присутните на отварањето на настанот ги поздрави претседавачот на Советот на општина Македонска Каменица, Љупчо Трајановски кој во обраќањето “изрази благодарност за присуството на колегите лекари од Македонија и регионот, како и честа што токму Македонска Каменица е домаќин на денешниот турнир“.
Благодарност за одличната организација на настанот до општина Македонска Каменица, Пингпонгарскиот клуб “Саса” и до дип. фармацефт Благоја Стојковски упати претседателот на Комисијата за спорт при Лекарска комора на Македонија, Љупчо Милановски.
Настанот е поддржан од општина Македонска Каменица, а домаќин на турнирот е нашиот Пингпонгарски клуб “Саса”.
Линк до видео од турнирот: https://fb.watch/djiGz0tkR6/
Линк до видео од доделување на пехарите за победниците на турнирот: https://fb.watch/djiN2U9ayO/
