Адријан Мицевски е шампион на Германија во Бундес футсал лигата со неговиот FC Stuttgarter.
Фамилијата Мицевски, од трибините го следеше финалниот натпревар помеѓу FC Stuttgarter и FC Honenstein Ernstthal, како поддршка за Адријан.
Во својата прва изјава после освојувањето на Бундес лигата, Адријан Мицевски “изрази благодарност до фамилијата, пријателите и сите познајници кои беа негова безрезервна поддршка во минатото и во оваа натпреварувачка сезона”.
“Горд сум што ќе видам дел од германската фудбалска историја, како прв Македонец (заедно со Џо Арсовски), кој постигнал гол и го освоил ова големо германско фудбалско натпреварување”, – надополни денеска Мицевски Адријан на својот фејсбук профил
Адријан Мицевски е стандарден првотимец и еден од најдобрите репрезентативци во историјата на македонската футсал репрезентација. Долги години градеше интернационална кариера во Хрватска, а сега со FC Stuttgarter е шампион на Германија.
Линк: https://m.facebook.com/story.php?story_fbid=10224574350018946&id=1614841172
