Годинава, беровскиот Mayday Festival се враќа во полн сјај. Урбаниот музички звук ќе го примиме во двојна доза, и со многу повеќе задоволство. По извонредниот фестивалски старт во минатата година, во 2017 Mayday Festival се враќа се два фестивалски термина. На 16 април, викендот за Велигден, под насловот „Mayday Easter“, а на најжешката сцена во Источна Македонија ќе настапат: Стефан Попов од Бугарија и македонските диџеј атракции Никифор и Articulatee.
На 30 април, на „Mayday Spring Sensation“ фестивалското лудило ќе продолжи со еден од најдобрите тек-хаус млади артисти во Европа, Franz Costa од Италија и Македонците Флудер, Мицајков и DJ Ерик.
* со клик врз фотографијата ќе преминете на официјалниот facebook event за Mayday Festival
За локација на настанот и овој пат изборот падна на спортската сала „Македонски Бранители“ во Берово која што располага со капацитет и можности да ги собере сите фанови на фестивалот. Покрај одличниот line-up, од организаторите се најавува и силна продукција, најдобар звучен систем и визуелно шоу.
Фестивалот, годинава, е дел од програмата Берово град на културата во 2017 година.