Lions Club од Скопје донираше 100.000 денари за Дневниот центар за лица со посебни потреби во Македонска Каменица. Донацијата е преку Здружението ЦПЛИП „Порака“ од Македонска Каменица, а ќе биде наменета за доопремување на Дневниот центар. Донацијата е добиена по изработени новогодишни честитки од страна на лицата со посебни потреби, кои потоа се преработени од Lions Club, а во собирањето на финансиските средства учествуваа NLB, Lynx Resources, Рудник за олово и цинк „Саса“, мобилниот оператор VIP, Раде Кончар, АгроТехна, Хаус Мајстор, FMS, Rule Turs, Copin Sardich, odmori.mk и други. На денешниот настан присуствуваа и г-дин Максим Прохоров, директор за развој и инвестиции во Рудник „Саса“ и еден од иницијаторите за донацијата и д-р Дарко Митевски, градоначалник на општина Македонска Каменица.