Во рамки на подготвителниот период за новата натпреварувачка сезона, нашата екипа ФК Каменица Саса вклучи повеќе фудбалери од сопствената младинска школа.
Станува збор за одличните и талентирани Лука Стојановски (голман), Димитар Јанковски, Александар Ивановски, Никола Коцевски, Матеј Атанасовски (голман) и Матеј Петрушов. Инвестирањето во младите категории ветува сигурен успех и стабилен развој во континуитет на фудбалскиот второлигаш од Македонска Каменица.
На нашите млади фудбалери од Македонска Каменица им посакуваме личен и клубски успех. Да растат и да се развиваат во големи фудбалски имиња. Со многу извојувани победи да изградат богата фудбалска кариера и да бидат носители на играта на својата САСА.
Честитки момци, честитки!