Македонска Каменица, 17. Септември 2024 година – Во насока на заштита на населението и имотите на граѓаните, од потенцијалните штетни последици предизвикани со најавените обилни врнежи, Општина Македонска Каменица преку активностите на Јавното претпријатие Камена Река, презема редица на интензивни мерки за превенција.
– Темелното чистење на сите отворени канали за собирање на атмосферски води е една од клучните мерки за спречување на поплави. Нивната функционалност овозможува непречено одводување на поголеми количини на вода и спречува создавање на поголеми атмосферски талози при поројни дождови, – вели градоначалникот Димчо Атанасовски кој упати апел до сите граѓани на Македонска Каменица да бидат внимателни, да не одложуваат градежен шут и отпад во системите за одводнување и во регулираните суводолици на целата територија на општината.
Заеднички, со превенција и со одговорно проактивно однесување, можеме да се заштитиме и да ги минимизираме ризиците од временските непогоди, – додаваат од општината
Јавното претпријатие Камена Река како реализатор на овие проактивни политики на општина Македонска Каменица за заштита и спречување на штети, во своето соопштение за јавност истакна дека „вработените во јавното претпријатие успешно ги вршат активностите за чистење на отворените канали за собирање на атмосферски води и дека ќе продолжат со своите активности за одржување на инфраструктурата и обезбедување на безбедни услови за граѓаните“.
Линк до објавата од градоначалник на општина Македонска Каменица
Линк до објавата од ЈП Камена Река Македонска Каменица
Линк до објавата од ЈП Камена Река Македонска Каменица
