Градоначалникот на општина Македонска Каменица упати честитка до граѓаните за денешниот троен празник на градот “Успение на Пресвета Богородица” – заштитничка на нашите рудари и нашата општина.
Честитката ви ја пренесуваме во целост:
Почитувани сограѓани,
Дозволете ми, Во мое име и во име на општина Македонска Каменица, со голема радост да ви го честитам Денот на рударите и Денот на нашата општина, христијанскиот празник Успение на Пресвета Богородица.
Овој ден е од големо значење за сите нас, како потсетник на посветеноста и трудољубивоста на рударите – неуморните градители на иднината во нашата општина.
Денеска, кога го чествуваме големиот христијански празник Успение на Пресвета Богородица, посакувам во секој дом, да донесе мир, здравје, среќа и благосостојба.
Посебна чест ни е што денеска, во духот на ова празнување, го имаме задоволството да бидеме домаќини и да го пречекаме премиерот Христијан Мицковски во нашата општина. Неговото присуство е дополнителна потврда на важноста на нашата заедница и нашата работа.
Ви посакувам добро здравје, многу успех и просперитет во благодет и семејна хармонија.
Со почит,
Димчо Атанасовски
Градоначалник на општина Македонска Каменица
