800 грама марихуана заплени штипската полиција во домот на 27 – годишник:
- Покрај марихуаната пронајдени се ваги и алатки за пакување на марихуаната и нејзина припрема за продажба, изјави Гордана Панајотова, портпарол на СВР – Штип.
Според цените за парче џоинт на нарко пазарот, запленетата количина на дрога, би можела на штипјанецот да му донесе приход од околу 50.000 денари.
Пронајдената дрога, веројатно, е само дел од она, што тој претходно го имал кај себе, но колку точно, засега не е познато:
- Дрогата е набавена од Скопје, но во непознати количини, кажа Панајотова.
Нарко дилерот, веројатно, е со добро организирана мрежа на набавувачи и купувачи, па неговото бранење од слобода, претставува опасност за натамошниот тек на истрагата. Поради ова, на него му е одреден притвор во траење од 30 дена.